#BrandsOfTheWorld

📣 #BrandsOfTheWorld рукни орқали 1892 йилда ташкил этилган Америка бренди Милтон Флоршейм ҳақида маълумот берамиз.

Мазкур бренд ўз тарихини Чикагода кичик фабрикадан бошлаган. Тез фурсат ичида “Florsheim” бренди ривожлана бошлайди. Компания Америка ишлаб чиқарувчилари рўйҳатидан жой олиши билан унинг биринчи чакана савдо дўкони ҳам очилади. Бренднинг рекламасини эса “The Saturday Evening Post” ва “The Cosmopolitan” журналлари ўз зиммасига олади.

1900 йилда “Florsheim” бренди дўконларида рентген сканерлаш қурилмаси пайдо бўлиши билан маҳсулотга бўлган ишонч ортади. Ушбу қурилма ҳар бир мижознинг оёқ хусусиятларини ўрганиб мос пойабзални танлашга кўмаклашади. 1917 йилга келиб эса “Florsheim” Биринчи жаҳон уришида қатнашган Америка армияси учун пойабзал етказиб берувчи компаниялардан бирига айланади. 1941 йилда барча иш кучи айнан ҳарбийлар учун пойабзаллар ишлаб чиқаришга йўналтирилади. 1949 йилга келиб, тинчлик ҳукм сураётган вақтда эса бренднинг яна бир заводи очилади.

Сўнги 20 йил ичида компания тез ривожланади. Заводлар сони 14 га ортади. Мамлакат бўйлаб сотув нуқталари 500 тага етади. Ҳозирги кунга келиб ҳам компания ишлаб чиқараётган пойабзалларда “Florsheim” нинг азалий мероси ҳунармандчилик, замонавий услублар сақланиб колган.

Бугунги кунда “Florsheim” қўй ва мол терисидан, замш, нубук каби турли материаллардан фойдаланган ҳолда кенг ассортиментдаги пойабзалларни ишлаб чиқаради. Компания Американинг “Horween” ва Англиянинг “Charles F. Stead” каби чарм ва кўнчилик заводлари билан ҳамкорлик қилади. Маҳсулот таг қисмлари табиий чармдан тайёрланади. Лекин ёзги моделларда текстил оёқ кийим тагликларини ҳам учратиш мумкин. Подошларни тайёрлашда чарм, резина, полиутеран ва термоэластопласт каби материаллардан кенг фойдаланилади.