#BrandsOfTheWorld
✅📣 #BrandsOfTheWorld рукни орқали сизга афсонавий спорт ва кундалик пойабзалларини ишлаб чиқарувчи “Converse” ҳақида маълумот берамиз. Ушбу компания кедаларини биламаган одамнинг ўзи бўлмаса керак.
“Converse Rubber Shoe Company” компаниясига 1908 йилда Массачусетс шататининг Малден шаҳрида Маркус Миллсом Конверс томонидан асос солинган. Дастлаб фабрика калиш ва қишки резина этиклар ишлаб чиқаришни бошлаган. Икки йилдан сўнг эса кунлик пойабзаллар ишлаб чиқаришга ўтади. Ундан кейин эса дастлабки кроссовкаларни ишлаб чиқаришни бошлайди.
Компания учун дастлабки 10 йил ўз номини дунёга танитиш учун етарли бўлди. Бугунги кунда жаҳонга машҳур “Converse Non-Skids” спорт пойабзлаларини кўпчилик севиб харид қилади. Кейинчалик эса бу ном “All Star” дея номлана бошлади. Айни ўша вақтдан бошлаб компания футбол ва теннис ўйинчилари учун кроссовкалар ишлаб чиқаришни бошлаган. Баскетболчилар учун эса дастлабки наъумуналар чиқарила бошланди.
Моделлар ўша вақтда ноёб дизайнга эга эди. Истеъмолчилар томонидан яхши қўллаб-қувватланди. Баскетбол майдончасида ўзини яхши кўрсатадиган кучли каучук таглик билан бойитилди. Ўша пайтда бу кроссовкалардан Колумбус ўрта мактаби баскетбол жамоаси ҳимоячиси Чак Тейлор фойдаланган. Амбицияли ва тадбиркор Тейлор дарҳол компания билан ҳамкорликни бошлайди ва кроссовкалар дизайнига ўзгартиришлар киритади. Шу сабаб, "All Star" да янги ҳимоя деталлар кўпаяди. Модел оқ ва қора ранглардан иборат ергономик пойабзалга айланади
Бора-бора баскетболни яхши кўрадиган кино ва мусиқа юлдузлари ҳам кундалик ҳаётда ва екранда мазкур кроссовкалари кийишни бошлайдилар. Машҳур кино актёри Жеймс Деан жинси ва оқ “Converse”да тушган суръати орқали мода оламига янгилик намойиш етди. Шундай қилиб, “Converse” 50-йиллар ўсмирлари ва ёшларининг севимли пойабзалига айланди
2003 йилнинг июль ойида “Nike” компанияси “Converse” брендини 309 млн долларга сотиб олди. “Nike” классик “Converse” моделларини модернизация қилди. Натижада сотув йилдан йилга ўсиб борди. Натижада мазкур пойабзаллар “Adidas” ва “Reebok” билан тенг қаторда саналадиган бўлди. 2008-йилда “Converse” бренди ўзининг 100 йиллигини AC/DC, Metallica, Ozzy Osbourne, Nirvana, Jimi Hendrix каби ўзига хос тўпламларни чиқариш билан нишонлади.
“Converse” нинг “Nike” бошқарувига ўтиши моделлардаги фарқни сезиларли даражада ўзгартирди. Бугунги кунда келиб сиз 100 йилдан ортиқ вақт мобайнида ишлаб чиқарилётган бренднинг тарихий меросига алоқаси бўлмаган классик ва жуда замонавий моделларни топишингиз мумкин.