3-Qoraqalpog‘iston Respublikasi saylov okrugidan 

3-Qoraqalpog‘iston Respublikasi saylov okrugidan

Oliy Majlis Qonunchilik palatasi deputatligiga nomzod

Jalg‘asbay Tanatarovich Kayipnazarov 1985-yil 15-dekabrda Qoraqalpog‘iston Respublikasi, Qonliko‘l tumanida tug‘ilgan.

Millati – qoraqalpoq. Ma’lumoti – oliy.

2007-yili Toshkent davlat agrar universitetining Nukus filialini tamomlagan. Ixtisosligi – agronom.

2024-yildan O‘zbekiston mahallalari uyushmasining Qonliko‘l tumani bo‘limi boshlig‘i lavozimida ishlab kelmoqda.

U xalq bilan ishlash, ular muammosini o‘rganish va ijobiy bartaraf etish ko‘nikmalariga ega. Mahallada ishsizlik va kambag‘allikni qisqartirish masalalarida faol ishtirok etib kelmoqda.

Siyosiy yetuk, aholi bilan ishlay oladigan, xalq manfaatini o‘z manfaatidan ustun qo‘ya oladigan, ijtimoiy himoya masalalarida katta tajriba ega, mas’uliyatli va qat’iyatli inson.

Oilali - uch nafar farzandi bor.

Jalg‘asbay Kayipnazarov aholi farovonligini ta’minlashga qaratilgan quyidagi ishlarni amalga oshiradi:

– kuchli ijtimoiy siyosat orqali ijtimoiy barqarorlikni ta’minlash;

– nogironligi bo‘lgan shaxslarning huquq va manfaatlarini himoya qilish;

– pensiya va ijtimoiy nafaqalarni insonning hayotiy ehtiyojlarini to‘laqonli qondirishga erishish;

– ayollarga pensiya tayinlash uchun zarur bo‘lgan ish stajiga barcha bolasini parvarishlash ta’tilida bo‘lgan vaqtini to‘liq qo‘shib hisoblash;

– aholini arzon uy-joy bilan ta’minlash va sifatli kommunal xizmat ko‘rsatish;

– barchaga malakali tibbiy xizmat imkoniyatini yaratish;

– ijro hokimiyati tomonidan qarorlar qabul qilishda siyosiy partiyalar guruhlari bilan maslahatlashuvlar o‘tkazish institutini joriy etish;

– ishsizlik bo‘yicha majburiy ijtimoiy sug‘urta milliy modelini joriy etish.