4-Qoraqalpog‘iston Respublikasi saylov okrugidan

4-Qoraqalpog‘iston Respublikasi saylov okrugidan

Oliy Majlis Qonunchilik palatasi deputatligiga nomzod

Ario‘xan Orazbayevna Qazaqbayeva 1973-yil 27-sentabrda Qoraqalpog‘iston Respublikasi Kegeyli tumanida tug‘ilgan.

Millati – qoraqalpoq Ma’lumoti – oliy.

1995-yili Toshkent davlat texnika universitetini tamomlagan. Ixtisosligi – ishlab chiqarish jarayonlarini avtomatlashtirish bo‘yicha muhandis.

2020-yildan Kegeyli tumani “Nurli bostan” mahalla fuqarolar yig‘ini raisi lavozimida ishlab kelmoqda.

Uaholi, jumladan, yoshlar, xotin-qizlar va oilalar bilan ishlash borasida ko‘p yillik tajribaga ega salohiyatli rahbar sifatida xalq orasida obro‘-e’tibor qozongan.

Mahalla fuqarolar yig‘ini raisi sifatida o‘z hududining ijtimoiy-iqtisodiy rivojlanishida faol ishtirok etib, yutuqlarga erishib kelayotgan tajribali, mas’uliyatli inson.

Oilali, uch nafar farzandi bor.

Ario‘xan Qazaqbayeva aholi farovonligini ta’minlashga qaratilgan quyidagi ishlarni amalga oshiradi:

– kuchli ijtimoiy siyosat orqali ijtimoiy barqarorlikni ta’minlash;

– nogironligi bo‘lgan shaxslarning huquq va manfaatlarini himoya qilish;

– pensiya va ijtimoiy nafaqalarni insonning hayotiy ehtiyojlarini to‘laqonli qondirishga erishish;

– ayollarga pensiya tayinlash uchun zarur bo‘lgan ish stajiga barcha bolasini parvarishlash ta’tilida bo‘lgan vaqtini to‘liq qo‘shib hisoblash;

– aholini arzon uy-joy bilan ta’minlash va sifatli kommunal xizmat ko‘rsatish;

– barchaga malakali tibbiy xizmat imkoniyatini yaratish;

– ijro hokimiyati tomonidan qarorlar qabul qilishda siyosiy partiyalar guruhlari bilan maslahatlashuvlar o‘tkazish institutini joriy etish;

– ishsizlik bo‘yicha majburiy ijtimoiy sug‘urta milliy modelini joriy etish.