Кун оиласи (фото)

“Ватандошлар” жамоат фонди томонидан тақдим этилаётган рукннинг бугунги қаҳрамонлари Италиянинг Милан шаҳрида истиқомат қилаётган Нодирбек Юсуфов оиласи

Нодирбек 1995 йилда Тошкент шаҳрида таваллуд топган.

Нодирбек Юсуфов 2014-2018 йиллар Турин политехника университетида ўқиган. Ўқиш даврида, аниқроғи 2018 йил Global UGRAD дастури ғолиби бўлиб, АҚШдаги Ғарбий Виржиния университида таҳсил олган.

Бугунги кунда у Италия Республикасидаги Турин политехника университети «Муҳандисликда бошқарув» йўналиши магистратура босқичида таълим олмоқда.

Нодирбек ўқишдан ташқари саноат ва таълимда қўлланиладиган микросхемаларни ишлаб чиқарувчи нуфузли Ардуино компаниясида фаолият олиб боради.

Унинг турмуш ўртоғи Дурдона Аҳмаджонова 2016-2020 йилларда Тошкент шаҳридаги Инҳа университетида таълим олган.
2019 йилда Global UGRAD дастури гранти орқали Viskonsin Университетида Green Bay кампусида алмашинув дастурида таҳсил олишга муваффақ бўлган.

Жорий йил Дурдона Аҳмаджонова Италиянинг энг нуфузли (2021 QS Ranking рейтингида Италия бўйича I ўрин) университетларидан бири Politecnico di Milano университетининг магистратура босқичига ўқишга қабул қилинди.