Shaxmat turniri bo‘yicha ma’lumotlar

Iltimos har bir bandni e’tibor bilan o‘qing!

Vatandoshlarimiz orasida Shaxmat sportini yanada ommalashtirish, qolaversa, yoshidan qat’iy nazar, barcha havaskor va professional shaxmatchilarni qo‘llab-quvvatlash maqsadida Yoshlar ishlari agentligi Xorazm viloyati boshqarmasi umumiy sovrin jamg‘armasi 5,000,000 so‘m bo‘lgan “Yoshlar ishlari agentligi turniri”ga start beradi.

Turnir - “10+5” vaqt bo‘yicha, rapid yoʻnalishida, ishtirokchilar soniga qarab, Shvetsarcha tizimda 7 yoki 9 turda o‘tkaziladi. Ishtirokchilar yoshi chegaralanmagan!

Turnirda ishtirok etish uchun barcha xohlovchilar telegram ijtimoiy tarmog’idagi maxsus telegrambot orqali ro‘yhatdan o‘tishadi va har hafta shanba kuni muboqada ishtirok etishadi.

Diqqat eslatma: Har hafta o‘tkaziladigan shaxmat turnirida ishtirokchilar soni 100 nafargacha etib belgilangan. Agarda bot orqali ro‘yxatdan o‘tgan ishtirokchilar soni 100 nafardan oshib ketsa, dastlabki 100 nafar ishtirokchilar musobaqada ishtirok etadilar. Musobaqa kuni e’lon qilingan ishtirokchilarning barchasi kelmasa, bunday holatda ro‘yxatdan o‘tgan keyingi ishtirokchilar ketma ketlik asosida musobaqaga qo‘shilishi mumkin (100 nafarga yetguncha).

Ishtirokchilar musobaqaga shaxsni tasdiqlovchi hujjat bilan kelishlari shart.

Shaxmat turniri g‘olib va sovrindorlarni rag‘batlantirish tizimi;

1-o‘rin - 800,000 so‘m; 2-o‘rin - 700,000 so‘m; 3-o‘rin - 600 000 so‘m; 4-o‘rin - 500,000 so‘m; 5-o‘rin - 400,000 so‘m (bu 5ta o‘rinni hoxlagan ishtirokchi egallashi mumkin. Ayol va erkak) (jami 3 million)

Ayollar o‘rtasida 1-o‘rin - 500,000 so‘m; 2-o‘rin - 400,000 so‘m; 3-o‘rin - 300,000 so‘m; (jami 1 million 200 ming)

Rag‘batlantiruvchi nominatsiyalar 4 ta 200,000 so‘mdan (jami 800 ming)

Ushbu turnir 12 oy yani 48 hafta (har birining umumiy sovrin jamg‘armasi 5 million so‘m) davomida bo‘lib o‘tadi. Undan tashqari har hafta o‘tkaziladigan turnirga ishtirokchilar yangidan ro‘yxatdan o‘tishlari kerak bo‘ladi.

Shaxmat turnirining barcha musobaqalari Urganch shahridagi Amir Temur istirohat bog'i hududida joylashgan Yoshlar markazi binosining Shaxmat klubida o‘tkaziladi.

Location; Google maps