@YEVRO_USKUNALAR_UZ
2020. Muallif: 1R.MEDIA
ХУЛОСА
Роберт Киёсакининг фикрича, дунёдаги аксарият одамлар рўзғор учун ишлаб ҳаётнинг шафқатсиз доирасига тушиб қолишади. Улар ҳар куни ишлайди: Банк учун, компания эгаси учун, давлат учун, лекин ўзлари учун эмас. Натижада нимага эришадилар? Камтарона нафақа пулига, уни ҳам инфляция кемириб ташлайди. Агар маош сизнинг даромадингизнинг ягона манбайи бўлса, унда сиз хавф остидасиз. Сизнинг молиявий мустақиллигингиз ҳақида гап бўлиши мумкин эмас. Қандай қилиб иш берувчига тўлиқ боғлиқ бўлган, ҳар қандай вақтда ишсиз ва бунинг натижасида даромадсиз қолиши мумкин бўлган инсон мустақил шахс бўлиши мумкин?
Албатта, йиғиб қўйилган озгина жамғарма бўлиши мумкин, бу ҳам ҳеч нарсадан кўра яхши, аммо етарли эмас. Нима қилиш керак? Қандай қилиб оила аъзолар билан фаровон ҳаёт кечириш мумкин? Бу саволга жавобни Роберт Киёсакининг «Бой ота, камбағал ота» китобдан олдингиз деган умиддамиз. Муаллифнинг фикрларини жамлаб, қуйидагиларни хулоса сифатида сизга ҳавола қиламиз:
- Ўзингиз учун ишлашни бошланг. Агар ишлаётган бўлсангиз, асосий иш жойингизни тарк этмасангиз ҳам бўлади. Лекин, уни даромад келтирадиган бизнес сифатида эмас, балки касб сифатида кўриб чиқинг. Аксарият одамлар бир қолипга тушиб қолишган; ишлайди, маош олади, солиқ ва коммунал хизматлар учун пул тўлайди, қарз олади ва олган қарзни қайтариш учун кўпроқ ишлайди, аммо, вазиятдан чиқиб кета олмайди. Бунинг учун қолипдан тезроқ чиқишга ҳаракат қилиш зарур. Барчамизга икки буюк неъмат берилган. АҚЛ ва ВАҚТ. Улардан қандай фойдаланиш ўзимизга боғлиқ. Ҳозирги замонга бошқача кўз билан қараш керак. Пул ишлаш учун катта маблағ керак, деган фикр нотўғри. Пул ишлаш учун асосийси, фикрлашингизни ўзгартиринг. Муваффақиятга эришган ҳар қандай одам кичик маблағдан бошлаган. Аста секинлик билан уни кўпайтириб охирида катта фойда келтирадиган бизнесга айлантирган. Керак бўлса иш жойингизни ўзгартиришдан қўрқманг – барқарорликдан кўра тажриба муҳимроқдир.
- Активларингизни кўпайтиринг. Активларни қўлга киритишга ҳаракат қилинг. Активлар сизнинг ва фарзандларингизнинг фаровон келажаги учун пойдевор. Қўлингизга тушган ҳар бир сўм тақдирингизни ҳал қилиши мумкин. Бекорга сарфласангиз камбағаллик сари қадам ташлаган бўласиз. Ақлни ишлатиб пулингизга актив сотиб олсангиз, бойлик ва фаровон келажак сари пойдевор қўйган бўласиз.
- Молиявий билимингизни оширинг: бухгалтерия ҳисоби, солиқ тизими, қонунчиликни ўрганинг. Фойдали лойиҳага сармоя киритишни ўрганинг. Бунинг учун, керакли китоблар ўқинг, курсларга қатнашинг, видео семинарлар томоша қилинг, ўз соҳаси мутахассислари билан мулоқот қилинг.
- Ҳеч қачон ўрганишдан тўхтатманг, бу ишни иложи борича тезроқ бажаринг, чунки дунё доимий равишда ўзгариб туради, яъни ўйин қоидалари ўзгаради. Мактабда ёки олий таълим юртида олган билимингиз бутун ҳаётингиз учун етарли бўлади, деб ўйламанг. Бу билим бойликка йўлни бошлаш учун ҳам етарли эмас. Ҳақиқий ҳаёт одамлардан ўқув даргоҳларида олган билимидан кўпроқ нарсани билишни талаб этади. Шунингдек фаол, ҳаракатчан, қизиқувчан ва албатта тиришқоқ бўлиш шарт.
- Солиқ, божҳона ва бошқа тўловларини камайтиришнинг қонуний усулларини изланг. Роберт солиқ идораси ходимлари билан бирга тушлик қилган. Улардан керакли маслаҳатлар олган. Буни ҳеч ёмон томони йўқ, ахир сиз уларга солиқдан озод этиш учун пора таклиф қилмайсизку. Сиз фақат билмаганингизни ўрганасиз. Ўрганиш фақат фойда келтиради.
- Аввал ўзингизга, кейин эса банкларга ва давлатга тўланг. Бу сизга янги даромадларни қидиришда қўшимча рағбатлантиради. Ҳеч қачон омонатларингиздан тўловларга сарфламанг, уни фақат янги активларни сотиб олишга сарфланг.
- Бизнес учун профессионал мутахассислар - брокерлар, маслаҳатчилари, бухгалтерлар, ҳуқуқшунослар - қидиринг. Агар улар малакали бўлса, улардан пул тежаманг, чунки бу одамлар сизнинг маблағингизни кўпайтиришга ёрдам беради. Тарихдан сабоқ олинг. Катта муваффақиятларга эришган инсонлар ҳам кичик нарсадан бошлаган. Уларни ҳаётини ўрганинг. Неча ёшда бўлишингиздан қатъий назар яхши ният билан иш бошланг. Билл Гейс 30 ёшда дунёни энг бой одамларидан бири бўлган. КҒС асосчиси полковник Са
@YEVROYUSKUNALARUZ
