Наманганда спорт байрами.

Спорт- бу байрамона кайфият.
Баҳор байрамлари муносабати билан Наманган вилояти "Ермулккадастр" ДК сида фаолият юритаётган хотин-қизларни бўш вақтларини самарали ўтказиш, баҳорий байрамоана кайфият улашиш, ҳамкасблар ўртасида ҳамкорликни мустаҳкамлаш мақсадида корхона рахбарияти ҳамда касаба уюшмаси билан биргаликда туман ва шаҳар филиалларида фаолият юритаётган хотин-қизлар ўртасида 2-6 март кунлари шашка спорт тури бўйича мусобақа уюштирилди.
Мусоқабани якуний турини вилоят "Ермулккадастр" ДК бошлиғи Мутавалиев Муллахўжа Сайдуллаевич очиб берди ва спорт мусобақаси иштирокчиларига омадлар тилади. Мусобақани туман ва шаҳар саралаш босқичидан мувофаққиятли ўтганлар, якунида олий ўринлар учун баҳс юритишди.
Бу йилги 8-март Халқаро хотин - қизлар байрами корхонамиз аёлларининг ёдида узоқ вақт сақланиб қоладиган бўлди. Сабаби Наманган вилоятига хизмат сафарига ташриф буюрган Ўзбекистон Республикаси Ер ресурслари, геодезия, картография ва давлат кадастри давлат қўмитаси раиси Абдуллаев Абдушукур Ҳамидович бу тадбирда қатнашиб аёлларни, қизларни байрам билан самимий табриклаб, уларга сиҳат саломатлик бахту саодат ҳамда ишларида мувоффақиятлар тиладилар.

Қўмита раиси мусобақа натижаларига кўра 1-фахрли ўрин ғолиби, корхона ходимаси Ҳожирахон Рахматовага, 2-ўринни эгаллаган Поп филиали иш юритувчиси Соҳибова Василага, ва 3-ўрин насиб этган Норин филиали иш юритувчиси Ҳамидова Мадиналарга қиммат баҳо совғаларни тантанали равишда топширдилар. Шунингдек туман филиаллардан келган 15 нафар мусобақа иштирокчилари ҳам "Мақтов ёрлиқ"лари билан мукофотландилар.
Тақдирланганлар Қўмитамиз раисига ўзларини дил сўзларини айтиб миннаддорчилик билдирдилар.

Албатта бундай спорт тадбирлари жамоани бирлаштириб, меҳнат унумдорлигини оширади ва келгусида мувоффақиятларга замин бўлади.