Vaqtning narigi tomonidan 🦋

"Kelajakdan kelgan xatlar"
Yn bir kuni eshigi oldidan noma'lum xat topadi.
Xatda faqat bitta jumla yozilgan bo‘ladi:
"Ertaga soat 15:27 da avtobus bekatidagi qizni to‘xtat."
Yn bunga e'tibor bermaydi. Ammo ertasi kuni yangiliklarda aynan o‘sha joyda avariya bo‘lgani va bir qiz halok bo‘lgani haqida eshitadi.
Keyingi kuni yana xat keladi.
"Qizil sumkali odamni ko‘rsang, politsiyaga qo‘ng‘iroq qil."
Yn aytilganidek qiladi va katta jinoyatning oldi olinadi.
Shundan keyin har kuni xatlar kela boshlaydi. Har bir xatda bir insonning hayoti saqlab qolinadi.
Ammo vaqt o‘tgan sari xatlar o‘zgaradi.
"Bugun qutqargan bolang kelajakda yuzlab odamlarni qutqaradi."
"Bu ayolni saqlab qolmasang, 10 yildan keyin falokat yuz beradi."
Yn endi shunchaki odamlarni emas, butun kelajakni o‘zgartirayotganini tushunadi.
Bir kuni esa eng dahshatli xat keladi.
"Ertaga BTS konsertida falokat sodir bo‘ladi."
Yn ishonmaydi, ammo avvalgi barcha xatlar rost chiqqani uchun tekshira boshlaydi.
U ko‘plab odamlarni ogohlantiradi va katta fojianing oldini oladi.
Shundan keyin xatlar to‘xtab qoladi.
Bir necha oy o‘tib, oxirgi xat keladi.
Ichida faqat eski surat va bir jumla bor.
"Endi navbat senga."
Suratda esa 20 yil keyingi Yn turardi.
Shunda haqiqat ochiladi:
Kelajakda dunyo katta falokatlarni boshdan kechirgan, va katta yoshdagi Yn vaqt bilan bog‘liq qurilma yaratib, o‘tmishdagi o‘ziga xatlar yuborib kelgan.
Ammo oxirgi sahnada yana bir sir ochiladi.
Kelajakdagi Yn yozgan kundalikda:
"Men faqat odamlarni qutqarmadim. Men o‘zimning o‘lim sanamni ham o‘zgartirishga harakat qildim."
Va kundalikning oxirgi sahifasida bitta sana yozilgan bo‘ladi.
Ertangi sana....