Shaxmat bo‘yicha harbiylar turniri o‘tkazildi!

2023-yil 17-oktabr kuni Guliston shahridagi “Yoshlar markazi”da O'zbekiston yoshlar ittifoqi Sirdaryo viloyat Kengashi tashabbusi bilan Guliston harbiy prokuraturasi, Yoshlar siyosati va sport bosh boshqarmasi bilan hamkorlikda Sirdaryo viloyatida joylashgan harbiy qism va muassasalardagi yosh harbiy xizmatchilar va xodimlar o'rtasida O‘zbekiston yoshlar ittifoqi sovrini uchun “Shaxmat” musobaqasi o‘tkazildi.

Shaxmat o'yini zamirida san'at, mantiq hamda hisob ilmlari jamlangan. Shaxmat intelektual o'yinlar ichida eng mukammali hisoblanadi. Musobaqadan maqsad yosh harbiy xizmatchi va xodimlarning bo'sh vaqtini mazmunli tashkil etish, shaxmat musobaqasini ommalashtirishdan iborat.

Shaxmat musobaqasida harbiy qism va muassasalardagi 100 nafarga yaqin yosh harbiy xizmatchi va xodimlar o‘zaro aql gimnastikasida bellashishdi.

O‘tkazilgan an'anaviy shaxmat turniri qizg‘in va murosasiz kechdi musobaqa natijalariga ko‘ra 1-o‘rinni Mudofaa vazirligiga qarashli harbiy qism muddatli harbiy xizmatchisi Alimov Abduqodir Bahodir o‘g‘li, 2-o‘rinni Favqulotda vaziyatlar boshqarmasi xodimi katta serjant Voxidjonov Zoxidjon Voxidjonovich, 3-o‘rinni Favqulotda vaziyatlar boshqarmasi xodimi katta leytenant Eshmo‘minov Jasur Jumanazar o‘g‘lilar qo‘lga kiritishdi.

Musobaqaning viloyat bosqichi g‘oliblariga O‘zbekiston yoshlar ittifoqi viloyat Kengashining diplom, medal va estalik sovg‘alari bilan taqdirlandi.