Yosh harbiy xizmatchilar va xodimlar o'rtasida O‘zbekiston yoshlar ittifoqi sovrini uchun “Shaxmat” musobaqasi o‘tkazildi!

Jizzax shahridagi “Yoshlar innovatsion markazi”da O'zbekiston yoshlar ittifoqi Jizzax viloyat Kengashi tashabbusi viloyat yoshlar ishlari boshqarmasi hamkorligida Jizzax viloyatida joylashgan harbiy qism va muassasalardagi yosh harbiy xizmatchilar va xodimlar o'rtasida O‘zbekiston yoshlar ittifoqi sovrini uchun “Shaxmat” musobaqasi o‘tkazildi.

Shaxmat o'yini zamirida san'at, mantiq hamda hisob ilmlari jamlangan. Shaxmat intelektual o'yinlar ichida eng mukammali hisoblanadi. Musobaqadan maqsad yosh harbiy xizmatchi va xodimlarning bo'sh vaqtini mazmunli tashkil etish, shaxmat musobaqasini ommalashtirishdan iborat.

Shaxmat musobaqasida harbiy qism va muassasalardagi 80 nafar yosh harbiy xizmatchi va xodimlar o‘zaro aql gimnastikasida bellashdilar.

O‘tkazilgan an'anaviy shaxmat turniri qizg‘in va murosasiz kechdi musobaqa natijalariga ko‘ra 1-o‘rinni viloyat Milliy gvardiya boshqarmasining muddatli harbiy xizmatchisi oddiy askar Nodirbek Dehqonov, 2-o‘rinni Mudofaa vazirligi Havo Hujumidan Mudofaa Qo‘shinlari va Harbiy Havo Kuchlariga qarashli 08918 harbiy qismmuddatli harbiy xizmatchisi oddiy askarAkbarshox Aliev, 3-o‘rinni Paxtakor tumanida joylashgan 23340 harbiy qism katta leytenanti Abbosbek Meliyevlar qo‘lga kiritishdi.