Samarqandda yangi avlod viloyat sardorlari saylandi!

O‘zbekiston yoshlar ittifoqining “Kamalak” bolalar tashkiloti a’zolari safini kengaytirish maqsadida har yili an'anaviy tarzda o'tkazib kelinayotgan Sardorlar saylovining viloyat bosqichi bo'lib o'tmoqda.

Kuni kecha barcha tumanlarimizdan tashrif buyurgan sardorlar saralash bosqichidan o'tkazildi.

Saralashda barcha tuman shahar Sardorlar Kengashi a’zolari orasidan eng faol sardorlar yo‘nalish trenerlari tomonidan saralab olindi.

Saralash bosqichidan o‘tgan 43 nafar nomzodlar o‘z saylovoldi dasturi bilan ishtirok etdi.

Jarayon yopiq ovoz berish yo‘li bilan, 224 nafar sardorlar tomonidan amalga oshirildi. To‘plangan ovozlar soniga qarab 14 ta yo‘nalish sardori saylandi.