Kuch tuzilmalaridagi boshlang‘ich tashkilot yoshlar yetakchilari va yo‘nalish sardorlari uchun o‘quv-seminar o‘tkazildi!

Yoshlar ittifoqi Buxoro viloyat Kengashi tashabbusi bilan 5-oktabr kuni Buxoro davlat davlat universitetida Qurolli Kuchlardagi harbiy qismlarda boshlang‘ich tashkilot yetakchilari va yo‘nalish sardorlari bilim saviyasini oshirish maqsadida “Boshlang‘ich tashkilotning asosiy maqsadi va vazifalari, yoshlarni vatanparvarlik ruhida tarbiyalashdagi ahamiyati” mavzusida o‘quv-seminari o‘tkazildi.

Seminar davomida boshlang‘ich tashkilot yetakchilari va yo‘nalish sardorlari bilan O‘zbekiston Respublikasi Milliy gvardiyasi Buxoro viloyati Qo‘riqlash boshqarmasida joylashgan “Shon-Sharaf” tarix muzeyiga sayohat tashkil etildi.

Seminar yakunida boshlang‘ich tashkilot yetakchilariga Ishonch yorlig‘i va esdalik sovg‘alari topshirildi.