Namanganda “Harbiylar Forumi” bo‘lib o‘tdi!

Namangan shahar yoshlar markazida O‘zbekiston Yoshlar ittifoqi Namangan viloyati Kengashi tashabbusi bilan Namangan viloyati Yoshlar ishlari boshqarmasi va viloyatdagi kuch tuzilmalari bilan hamkorlikda 18 noyabr – O‘zbekiston Respublikasi Davlat bayrog‘ining 32 yilligi munosabati bilan “Davlat bayrog‘i – faxrim g‘ururim” shiori ostida “Harbiylar Forumi” bo‘lib o‘tdi.

Forumda O‘zbekiston yoshlar ittifoqining kuch tuzilmalaridagi boshlang‘ich tashkilot yetakchilarining 2023 yil davomida amalga oshirilgan ishlari sar-hisobi qilinib, yoshlarni harbiy vatanparvarlik ruhida tarbiyalashda o‘z hissasini qo‘shib kelayotgan “Eng namunali boshlang‘ich tashkilot yetakchilari” saralab olindi.

Shuningdek forumning badiiy qismi davomida konsert dasturlari va harbiy orkestr tomonidan ko‘rgazmali chiqishlari namoyish etildi.

Forumning yakuniy qismida 2023 yil davomida O‘zbekiston yoshlar ittifoqi harbiy qism va huquqni muhofaza qiluvchi organlardagi boshlang‘ich tashkilot samaradorligini oshirishda hissa qo‘shib kelayotgan boshlang‘ich tashkilot yetakchilari hamda bir qator harbiy xizmatchilar Yoshlar ittifoqi viloyat Kengashi tomonidan taqdirlandilar.