“Ko‘pkurash” harbiy-vatanparvarlik sport musobaqasining Koson tuman bosqichi bo‘lib o‘tdi!
Musobaqa O'zbekiston yoshlar ittifoqi tashabbusi bilan, Oliy ta’lim, fan va innovatsiyalar vazirligining viloyat boshqarmasi, tuman hokimligi, tuman Vatanparvar tashkiloti, tuman Mudofaa boshqarmasi, Yoshlar ishlari boshqarmasi tuman bo'limlari hamkorligida tashkil etildi.
Harbiy-vatanparvarlik musobaqasida Koson tumanida joylashgan professional ta'lim muassasalari o'quvchilaridan iborat jamoalar ishtirok etib, tezkor savol-javob, "AKM" avtomatini qismlarga ajratish va yig'ish, turnik tortinish, estafeta yugurish hamda pnevmatik quroldan o'q otish shartlari bo‘yicha bellashishdi.
Murosasiz kechgan musobaqaning yakuniy natijalariga ko‘ra 1-sonli kasb hunar maktabi jamoasi g‘oliblikni qo'lga kiritdi. G‘olib jamoalar hamda faol ishtirokchilar qimmatbaho sovg‘alar bilan taqdirlandi.
