Jizzaxda “Vatanparvarlar” harbiy-sport musobaqalarining viloyat bosqichi o'tkazildi

O‘zbekiston yoshlar ittifoqi viloyat Kengashi, Yoshlar ishlari agentligi viloyat boshqarmasi, Markaziy harbiy okrugning Jizzax garnizonidagi harbiy qism qoʼmondonligi, viloyat Mudofaa ishlar boshqarmasi, Maktabgacha va maktab ta’limi boshqarmasi hamkorligida “Vatanparvarlar” harbiy-sport musobaqalarining viloyat bosqichi bo‘lib o‘tdi.

Musobaqa shartlariga ko‘ra jamoalar “Safda qo‘shiq aytish”, “Harbiylashtirilgan estafeta”, “Mohir mergan”, “Jabrlanuvchiga birinchi tibbiy yordam ko‘rsatish”, “Temur tuzuklari bilimdoni” hamda “Yo‘l harakati xavfsizligi qoidalari a’lochi” kabi shartlar bo‘yicha o‘zaro bellashishdi.

Musobaqani baholab borgan malakali harbiy xizmatchilar hamda mutaxassislarning hulosasiga ko‘ra quyidagi natijalar qayd etildi:
1-o‘rin Sharof Rashidov tumani 9-maktabning “Lochinlar” jamoasi;
2-o‘rin Paxtakor tumanidagi 19-maktabning “Turon” jamoasi;
3-o‘rin G‘allaorol tumanidagi 26-maktabning “Yosh askarlar” jamoasiga nasib etdi.