Chilonzor tumani 164-maktabida sardorlar saylovi o‘tkazildi!

Joriy yilning 16-sentabr kuni Toshkent shahar Chilonzor tumanida joylashgan 164-sonli umumiy o'rta ta'lim maktabida maktab sardorlar saylovi bo'lib o'tdi va 2023-2024-o'quv yilida umumiy o'rta ta'lim maktabida faoliyat yurituvchi "Yoshlar ittifoqi", "Kamalak" sardori va yo'nalish sardorlari saylandi. Jarayonlarda shaxsan Toshkent shahar "Kamalak" bolalar tashkiloti faoliyatini rivojlantirish bo'limi boshlig'i Azizbek Ochilboyev ishtirok etdi.

14 nafar "Kamalak" va "Yoshlar ittifoqi" sardorlariga Respublika "Kamalak" bolalar tashkiloti raisining "Ishonch yorliqlari" topshirildi.

Poytaxtda saylovlar davom etmoqda. Barchangizga saylovda omad tilaymiz, Sizni o‘zingiz kutmagan muvaffaqiyatli kelajak kutmoqda!