“Yoshlar turizmi” xalqaro II qurultoyida munosiblar saralandi!
Joriy yilning 7-11 avgust kunlari Qashqadaryo viloyati, Shahrisabz tumanidagi “Lochin” oromgohida “Yoshlar turizmi” II xalqaro hamda ilk marotaba “Yosh ekologlar” harakati qurultoylari o‘tkazildi.
Tadbirda Tojikiston, Qirg‘iziston, Qozog’iston, Turkiya kabi davlatlar, shuningdek, Respublikamzning 14 hududdan 50 nafardan iqtidorli, ijtimoiy himoyaga muhtoj, jumladan nogironligi bo‘lgan yoshlar hamda “Yoshlar daftari”ga kiritilgan o‘quvchi va talabalar yoshlari ishtirok etishdi.
Qurultoy davomida “Turizm va ekologiya“ mavzularida o’quv seminar, “Zakovat” intellektual o’yini, “Biz bir jamoamiz” hududlarning sahna ko’rinishlari tanlovi, “Yulduzlar tashrifi, “Turizm kvest”, “Turizm spartakiadasi” sport musobaqasi tanlovlari hamda Yosh turizm elchilari va “Yosh ekologlar” harakati Respublika Kengashlariga saylovlar o‘tkazilib, eng faol yoshlar saralanib olindi.
Ulardan Respublika Yosh turizm elchilari Kengashi raisi sifatida Toshkent shahridan Suyarov Komiljon Sattarovich;
Kengash raisining birinchi o‘rinbosari Qoraqalpog‘iston Respublikasidan Kallibekova Dinara Aybek qizi;
- Kengashi raisi o‘rinbosari Toshkent viloyatidan Karimov Islomjon Ibraim o‘g‘li;
- Andijon viloyati Yosh turizm elchilari kengashi raisi Qobiljonov Ulug‘bek Nodirjon o‘g‘li;
- Buxoro viloyati Yosh turizm elchilari kengashi raisi Sodiqov Abdusamad Aslon o‘g‘li;
- Jizzax viloyati Yosh turizm elchilari kengashi raisi Shahriyor Yarbekov G’ulom o’g’li;
- Qashqadaryo viloyati Yosh turizm elchilari kengashi raisi Ro‘ziyev Bobur Akramovich;
- Navoiy viloyati Yosh turizm elchilari kengashi raisi Zokirov Akmal Najmiddinovich;
- Namangan viloyati Yosh turizm elchilari kengashi raisi Odilov Lutfullo Alisher o‘g‘li;
- Samarqand viloyati Yosh turizm elchilari kengashi raisi Anorbayeva Rayxona Baxtiyorovna;
- Sirdaryo viloyati Yosh turizm elchilari kengashi raisi Orifjonova Nigora Rahimjon qizi;
- Surxondaryo viloyati Yosh turizm elchilari kengashi raisi Eshqobilova Guldasta Faxriddin qizi;
- Farg'ona viloyati Yosh turizm elchilari kengashi raisi Haydarov Temur Toxirjon o‘g‘li;
- Xorazm viloyati Yosh turizm elchilari kengashi raisi Qalandarova Shaxnoza Maqsud qizi;
Mazkur Kengashlar a’zolarining 2023-2024 yiillar davomidagi faoliyatiga muvaffaqiyat tilanib, Ekologiya, atrof-muhitni muhofaza qilish va iqlim o‘zgarishi vazirligi va Turizm qo‘mitasi tomonidan ularga kelgusida yirik loyihalarni amalga oshirishda zaruriy sharoitlar yaratib berilishi qayd etildi.
Tadbir yakunida Shahrisabz tumanidagi Lochin bolalar sog‘lomlashtirish oromgohida qurultoy tadbirlarining tantanali yopilish marosimi tashkil etildi.