#yangilik
Navoiyda Amir Temur tavalludining 686 yilligi keng nishonlandi
Navoiy viloyati yuridik texnikumi jamoasi “Zafarabod” MFYdagi “Yoshlik” madaniyat saroyida o‘tkazilgan yosh avlodni buyuk ajdodlarimizning jasorati va bebaho merosini chuqur o‘rganish orqali ona Vatanga muhabbat, yurtga sadoqat ruhida tarbiyalash maqsadida Sohibqiron Amir Temur tavalludining 686 yilligiga bag‘ishlangan “Ajdodlar merosi – kelajak poydevori” mavzusida ma’naviy-ma’rifiy tadbirda ishtirok etdi.
Tadbirda yuridik texnikum direktorining yoshlar bilan ishlash bo‘yicha o‘rinbosari D.Murtazayev nutq so‘zladi.
Tadbir davomida yigit-qizlar o‘rtasida A.Temur hayoti va ijodi bilan bog‘liq viktorina o‘tkazilib, g‘oliblarga turli mavzudagi kitoblar ulashildi.
Shuningdek, tadbir Zafarobod MFYining 19-umumiy o‘rta ta’lim maktabi o‘quvchilarining sahna ko‘rinishlari bilan yakunlandi.
