December 16, 2023
Endi tug`ilganlik haqidagi guvohnomani onlayn olish mumkin
Endi tug`ilganlik haqidagi guvohnomani my.gov.uz portali orqali ham uydan chiqmagan holda olish mumkin. Buning uchun, my.gov.uz portaliga kiriladi va qidiruv bo`limidan “tug`ilganlik haqidagi guvohnomani olish” so`zlari bilan qidiriladi. Yangi oynadan xizmatdan foydalanish tugmasini bosish orqali ariza beriladi.
Guvohnomaga ariza berilgach 1 ish kunida tug`ilganlik haqidagi guvohnomani taqdim etiladi.
Ma`lumot uchun, ushbu davlat xizmatidan ota-ona endi dunyoga kelgan go`daklari uchun ilk bor guvohnoma olishda foydalanishlari mumkin.