"Yangi O'zbekistonda ma'rifatli shaxs tarbiyasi: muammo va yechimlar"

mavzusida ilmiy asoslangan maqolalar tanlovi

Toshkent davlat yuridik universitetida "Yangi O'zbekistonda ma'rifatli shaxs tarbiyasi: muammo va yechimlar" mavzusida ilmiy asoslangan maqolalar tanlovi o'tkaziladi.

Ilmiy maqolalar quyidagi yo'nalishlarda yozilishi talab qilinadi:

Ta'lim va tarbiya: maktabgacha, maktab va oliy ta'lim tizimlaridagi yangi imkoniyatlar;
Ta'lim muassasalarida ijtimoiy-ma'naviy muhitni sog'lomlashtirish metodikasi hamda targ'ibotning yangi texnalogiyalari;
Ta'limning turli bosqichlarida uzluksiz ma'naviy tarbiya jarayonini tashkil etish va baholash mezonlari;
Ta'lim muassasalarida ma'naviy-marifiy ishlar samaradorligini oshirish: muammo va yechimlar;
Ijtimoiy axloq mezonlari hamda yoshlar ongidagi qadriyatlar transformatsiyasi bilan bog'liq dolzarb masalalar.

Mazkur tanlovda universitetda faoliyat yuritayotgan professor-o’qituvchilar va amaliyotchi mutaxassislar, doktorantlar, tadqiqotchilar va iqtidorli talabalar qatnashishlari mumkin.

Maqolalar o’zbek va rus tilarida qabul qilinadi. O’zbek tilidagi maqolalar lotin yozuviga asoslangan o’zbek alifbosida yozilgan bo’lishi kerak.

Yo’nalishlar bo’yicha taqdim etilgan jodiy ishlarni 2023-yilning 2-iyul kuniga qadar ma’lumotlar to’liq ko’rsatilgan holda @TDYUijodkor telegram manziliga taqdim etishingiz lozim.

Eng sara 5 ta (har bir yo'nalish bo'yicha 1 tadan) ishlar O'zbekiston Respublikasi Prezidenti Administratsiyasiga yuboriladi.

Barcha talablarga javob bergan va tahrir hay'ati ko'rigidan o'tgan maqolalar Samarqand shahrida o'tkazilishi rejalashtirilgan "Yangi O'zbekistonda ma'rifatli shaxs tarbiyasi: muammo va yechimlar" mavzusidagi konferensiyaning ilmiy to'plamiga kiritiladi.

Konferensiyasida faol qatnashgan ishtirokchilar "Eng yaxshi taxliliy maqola", "Eng yaxshi mazmunli maqola" nominatsiyalari bo'yicha sertifikat bilan taqdirlanadilar.