ГРАМАДЗЯНСКІ СУПРАЦІЎ. АКТЫЎНЫЯ МЕТАДЫ. Частка 3

Трансфарматары і турбіны

Алейныя трансфарматары можна вывесці з эксплуатацыі, калі заліць у алейны бак звычайную ці лепш салёную ваду, астуджальную вадкасць машыны, газу. У трансфарматарах з паветраным астуджэннем блакуйце вентыляцыю, назапашваючы вакол яго смецце. Ва усе тыпы трансфарматараў можна насыпаць металічны пыл на вонкавую частку гільзы і іншыя адкрытыя электрычныя часткі.

Турбіны ў асноўным трывала размешчаныя і цяжкадаступныя. Іх уразлівасць да простага сабатажу вельмі нізкая. Пасля агляду ці рамонту турбіны зафіксуйце крышку не надзейна, каб яна зламалася пры наступным запуску. Няшчыльны каўпачок на паравой турбіне прывядзе да ўцечкі вадкасці і запаволіць працу.

Стварыце ўцечку ў магістралі, якая падае алей у турбіну, каб алей трапіў на гарачую паравую трубу: гэта можа выклікаць пажар.

Катлы

Зніжайце эфектыўнасць паравых катлоў любым даступным вам спосабам. Наліце ў іх зашмат вады, каб пачаць павольна, ці падтрымлівайце агонь, каб зрабіць іх неэфектыўнымі. Дайце ім высахнуць і зноў распаліце агонь, тады з часам яны хутчэй трэскаюцца і выходзяць з ладу. Асабліва добрая хітрасць — дадаць у ваду, якую наліваеце ў кацёл, вапняк, ад якога на дне і баках катла будзе адкладвацца налёт. Такая сажа забяспечыць вельмі добрую ізаляцыю ад цяпла, калі яе дастаткова, кацёл зробіцца зусім неэфектыўным.

Вытворчасць металаў

Тут сабатаж дзеліцца на два этапы:

1 этап: падрыхтоўка інструментаў і абсталявання для плавільных устаноў;
2 этап: эксплуатацыя абсталявання на вытворчасці.

Галоўная мэта на этапе 1 — пераканацца, што інструменты, матэрыялы і абсталяванне максімальна дэфектныя. Мэта этапу 2 — кіраваць абсталяваннем так, каб яно часта выходзіла з ладу і вытворчасць сістэматычна спынялася.

Горная вытворчасць

Калі вы працуеце ў сферы здабычы, ваша галоўная задача — сабатаваць працоўны працэс. Рабочыя павінны праводзіць як мага больш часу без працы, сістэматычна зніжаць тэмпы вытворчасці.

Пачніце з асвятляльных прыбораў. Адключыце святло, электрычныя лямпы і праводку. Замяніце на дэфектныя элементы сілкавання ліхтароў там, дзе яны ёсць.
Наступнай мэтай вашай дзейнасці мусяць быць інструменты для здабычы. Скарыстайцеся парадамі па прамысловай вытворчасці і электрарухавіках ў гэтым даведніку. Для сабатажу інструментаў спатрэбіцца звычайная вада, металічны ці вугальны пыл, алей.
Вянцом вашай дзейнасці павінен стаць сабатаж ліній дастаўкі мінералаў. Аслабце ланцуг, які цягне канвееры для транспартыроўкі мінералаў. У гэтым выпадку глыбокая ўвагнутасць на ланцугу ад удару кіркай ці рыдлёўкай разарве ланцуг пры звычайнай нагрузцы. Як правіла, ланцугі могуць выйсці з ладу самі па сабе. Не спяшайцеся паведамляць пра любыя пашкоджанні, перадаваць ланцугі у рамонт і вяртаць іх пасля рамонту.
Пакіньце розныя перашкоды для працы канвеера, асабліва на стыках. Вельмі добра, калі астатнія перашкоды прывядуць да перакульвання каўшоў на канвееры.
Адпраўляйце разам з мінераламі каменне ды іншыя непатрэбныя матэрыялы.

Сельскагаспадарчая вытворчасць

Пра сабатаж сельскагаспадарчай тэхнікі можна даведацца у раздзелах пра прамысловую вытворчасць, электрарухавікі і паліва. Таксама выкарыстоўвайце свае веды і досвед.
Калі вы ўпэўненыя, што ўраджай і жывёла будуць выкарыстаныя акупантамі, паспрабуйце перанесці запасы ў больш бяспечнае месца, раздаць давераным асобам. Звычайна усе без выключэння запасы акупанты рэквізуюць для сваіх частак ці распрададуць па дармавых коштах.
Калі вы ведаеце, што ўраджай будзе збірацца для акупантаў, можна карміць пасевамі жывёлаў. Па магчымасці няхай ураджай будзе сабраны занадта рана ці занадта позна. Калі ў вас ёсць доступ да запасаў акупантаў, сапсуйце іх запасы збожжа, садавіны і гародніны, замочваючы іх у вадзе, каб яны згнілі. Садавіну і гародніну можна сапсаваць, пакінуўшы іх на сонцы.

Версію метадычкі цалкам чытайце па спасылцы