SURVIVAL KIT вайсковаслужбоўцаў Брытаніі

Камплект для выжывання байца уяўляе сабою кантэйнер з тонкай бляхі памерам 11 х 8 х 2.8 см. У ім знаходзіцца набор прадметаў і прылад для выжывання ў экстрэмальных умовах, найперш – падчас вайсковых дзеянняў.

Даволі часта можна сустрэць ва ўжытку "наборы для выжывання" ад вытворцы BCB, які з'яўляецца афіцыйным пастаўшчыком для міністэрства абароны Велікабрытаніі па кантракце з урадам.

У камплект уваходзяць:

сцізорык
набор шпілек
компас
запалкі
аловак
таблеткі для ачысткі вады
тонкі дрот
свечка
крэсіва
лязо нажоўкі
рыбалоўны камплект
свісток
набор для шыцця
драцяная піла
інструкцыя па выжыванні
форма справаздачы пра інцыдэнт

Starter Level Survival Kit

“Шпаргалка” по спосабах выжывання, якая месціцца ўнутры разам з усім пералічаным – досыць змястоўная і якасная, а рэчы, знешне невялічкія па памерах, могуць зрабіцца вельмі карыснымі ў складаных і надзвычайных сітуацыях.

Агульная вага набору — 170 грам. Кампактны набор з'яўляецца часткай экіпіроўкі байца і размяшчаецца, як правіла, у кішэні курткі. Гэта характарыстыкі мінімальнага варыянту – Starter Level Survival Kit.

У залежнасці ад асаблівасцяў задач, якія выконвае падраздзяленне, і пэўных абставін брытанскія вайскоўцы выкарыстоўваюць таксама пашыраныя камплекты – Advanced Level Survival Kit і Top Level Survival Kit.

Дадаткова да базавай камплектацыі у іх прадугледжваюцца як даволі разнастайныя магчымасці развядзення полымя (пламенны мех, трут, стрыжань ды лінза) і навігацыі, так і іншыя неабходныя элементы. Але гэта ўжо не кішэнны варыянт.

Advanced Level Survival Kit

Падрабязна пра такія пашыраныя версіі гаворку весці не будзем – яны не такія актуальныя з-за бягучых умоваў, у якіх можа давесціся дзейнічаць у Беларусі.

Безумоўна, апісаныя камплекты – не абавязкова аптымальныя. Але калі ўважліва азнаёміцца з іх складнікамі, можна сфарміраваць свой уласны кампактны ці пашыраны аналаг. Галоўнымі крытэрыямі, на якія варта засяродзіць увагу, застаюцца памер і вага.

Выдатны відэагляд па базавай камплектацыі глядзіце па спасылцы: https://www.youtube.com/watch?v=ZrUaDrxqxtI