Yig‘ilishda e’tibor faqat ishlab chiqarish raqamlariga emas, ularning ortida turgan hayotiy ehtiyojlarga qaratildi. Qish uchun yoqilg‘i zaxirasi yetarli bo‘ladimi? Tayyor mahsulot hududlarga o‘z vaqtida yetib boradimi? Zavodlar iste’molchilar talabiga mos qanday yangi mahsulotlarni taklif etadi? Muhokamalarning xalqchil mazmuni aynan shu masalalarda namoyon bo‘ldi. Asosiy vazifa — mahsulotni ishlab chiqarish bilan cheklanmay, uni iste’molchiga o‘z vaqtida yetkazish.

Shu nuqtayi nazardan, Buxoro neftni qayta ishlash zavodida qish mavsumi uchun zarur zaxiralarni tayyorlash, xomashyo ta’minoti va yoqilg‘ini hududlarga yetkazib berish masalalariga alohida e’tibor qaratildi.

To‘rtinchi chorakda zavod uchun 213,4 ming tonna xomashyo importini ta’minlash, 326,5 ming tonna avtobenzin, 186,3 ming tonna dizel yonilg‘isi va 99,4 ming tonna aviakerosin ishlab chiqarish vazifalari belgilandi. Bu hajmlar aholi va iqtisodiyot tarmoqlarining yoqilg‘iga bo‘lgan ehtiyojini ta’minlash hamda qishki zaxiralarni shakllantirishda muhim ahamiyatga ega.

Ta’minot barqarorligi mahsulotni tashish imkoniyatlariga ham bog‘liq. Shu bois mas’ullarga mahsulot tashishda zarur bo‘ladigan qo‘shimcha vagon-sisternalar xaridi va ijarasini jadallashtirish vazifasi berildi. Birja savdolari orqali sotilgan mahsulotlarni xaridorlarga o‘z vaqtida yuklash va jo‘natishni alohida nazoratga olish topshirildi.

Yig‘ilishda “JTL” zavodida yangi mahsulotlar ishlab chiqarishga tayyorgarlik jarayonlari ham muhokama qilindi. Sintetik moy, LAB va parafin ishlab chiqarish bo‘yicha uchta loyihani amalga oshirishning tashkiliy va texnologik bosqichlarini tezlashtirish topshirildi. Loyihalarni muvofiqlashtirish uchun maxsus guruhni tashkil etish, har bir yo‘nalish bo‘yicha litsenziar tanlash yuzasidan Ilmiy kengash qarorlarini qabul qilish hamda bazaviy loyihalash — FEED bosqichi bo‘yicha shartnomani rasmiylashtirish vazifalari qo‘yildi. Asosiy e’tibor tayyorgarlik ishlarini izchil olib borish va yangi mahsulotlarni o‘zlashtirish uchun zarur texnologik asosni yaratishga qaratildi.

Boshqaruv raisi tomonidan Sho‘rtan gaz kimyo majmuasida ham bozor talabiga mos yangi mahsulotlarni o‘zlashtirish zarurligi qayd etildi. Majmua faoliyat boshlaganiga 25 yil bo‘lgan bo‘lsa-da, polimer mahsulotlari turlarini kengaytirish va yuqori qo‘shilgan qiymatli yangi mahsulotlar ishlab chiqarish bo‘yicha aniq takliflar kiritilmagani tanqid qilindi. Shu munosabat bilan ichki va tashqi bozor ehtiyojlarini o‘rganish, mavjud imkoniyatlardan samarali foydalanish hamda talab yuqori bo‘lgan polimer mahsulotlarini ishlab chiqarish bo‘yicha kechiktirib bo‘lmaydigan takliflar tayyorlash topshirildi.

Muborak gazni qayta ishlash zavodida energiyadan tejamkor foydalanish, oqova suvlarni tozalash va qayta ishlash, ishlab chiqarish jarayonlarini avtomatlashtirish hamda raqamlashtirishga qaratilgan loyihalarni tayyorlash vazifalari ham belgilandi.

Yig‘ilish ishtirokchilari zavodlarning mavjud imkoniyatlarini aholi va iqtisodiyot tarmoqlari ehtiyojlarini ta’minlashga yo‘naltirish masalalarini muhokama qildilar. Qish uchun yetarli zaxira yaratish, yoqilg‘ini hududlarga o‘z vaqtida yetkazish va yangi mahsulotlarni o‘zlashtirish shu maqsad yo‘lidagi ustuvor vazifalar sifatida belgilandi.

Zavodlardagi imkoniyatlarni aholi va iqtisodiyot ehtiyojiga xizmat qildirish - yig‘ilishda ko‘rib chiqilgan barcha masalalarni shu yagona maqsad birlashtirdi. Qish uchun yetarli zaxira yaratish, yoqilg‘ini hududlarga o‘z vaqtida yetkazish va yangi mahsulotlarni o‘zlashtirish shu maqsad yo‘lidagi ustuvor vazifalar sifatida belgilandi.

"O‘zbekneftgaz" AJ Axborot xizmati

Unda iqtisodiyot tarmoqlari va aholining tabiiy hamda suyultirilgan gazga bo‘lgan talabi ortib borayotgani inobatga olinib, mavjud imkoniyatlardan samarali foydalanish va belgilangan vazifalar ijrosini jadallashtirishga alohida e’tibor qaratildi.

Oktyabr oyi boshidan amalga oshirilgan chora-tadbirlar natijasida Jamiyatda kunlik tabiiy gaz qazib chiqarish hajmi 1,6 million kub metrga oshirilgani qayd etildi. Boshqaruv raisi bu ko‘rsatkich muayyan o‘sishga erishilganini ko‘rsatsa-da, ayrim neft va gaz boshqarmalarida avval kamaygan qazib chiqarish hajmlarini tiklash bo‘yicha ishlar yetarli darajada tashkil etilmaganini tanqid qildi.

Mazkur holatni bartaraf etish maqsadida Muborak, Sho‘rtan, Gazli va Ustyurt boshqarmalari faoliyati maxsus ishchi guruh tomonidan tahlil qilindi. Natijada to‘rtinchi chorakda gaz qazib chiqarish sur’atlarini barqarorlashtirishga qaratilgan jami 477 ta banddan iborat qo‘shimcha chora-tadbirlar ishlab chiqilib, Boshqaruv qarori bilan tasdiqlandi.

Shuningdek, konlarda qazib chiqarishga mas’ul bo‘linmalar faoliyati qayta tashkil etildi, ularning imkoniyatlarini kengaytirish maqsadida qo‘shimcha 124 ta shtat birligi ajratildi.

Yig‘ilishda boshqarmalar oldiga qo‘yilgan to‘rtinchi chorakda tabiiy gaz qazib chiqarish vazifasi muhokama qilindi. Buning uchun belgilangan texnik tadbirlarning borishi yuzasidan axborotlar eshitildi.

Gaz qazib chiqarish imkoniyatlarini kengaytirishda yangi quduqlarni burg‘ilash, mavjud quduqlarni ta’mirlash va qo‘shimcha infratuzilmani o‘z vaqtida ishga tushirish muhim ahamiyat kasb etishi ta’kidlandi. Konlardagi kompressor stansiyalarni belgilangan muddatlarda foydalanishga topshirish bo‘yicha topshiriqlar berildi.

Burg‘ilash va quduqlarni ta’mirlash yo‘nalishida ham aniq vazifalar belgilandi. Jumladan, to‘rtinchi chorakda rejalashtirilgan 40 ta quduqni burg‘ilash ishlarini belgilangan muddatlarda yakunlash, yana 2 ta quduqda burg‘ilashni boshlash, shuningdek, rejadagi 46 ta quduqni ta’mirlash, ularning 15 tasida murakkab ta’mirlash ishlarini amalga oshirish vazifalari qo‘yildi.

Geologiya-qidiruv ishlari samaradorligini oshirish, istiqbolli tuzilmalarni tayyorlash va resurslar bazasini kengaytirish masalalariga ham alohida e’tibor qaratildi.

Yig‘ilish yakunida mas’ul rahbarlarga belgilangan vazifalarni qat’iy muddatlarda bajarish, har bir tadbirning qazib chiqarish hajmlariga ta’sirini aniq hisobga olish va ijrosi ustidan nazoratni kuchaytirish yuzasidan topshiriqlar berildi.

“O‘zbekneftgaz” AJ Axborot xizmati

Bu yo‘nalishda 2026 yilning yanvar–sentyabr oylarida 152 ta geologik-texnik tadbir amalga oshirildi: 80 ta yangi quduq burg‘ilandi, mavjud 35 ta quduqda murakkab ta’mirlash ishlari bajarildi va 37 ta texnologik tadbir o‘tkazildi. Shuningdek, mavjud qazib chiqarish hajmini saqlash uchun 554 ta quduqda kapital ta’mirlash va intensifikatsiya ishlari bajarildi. Gaz quvurlarida montaj hamda rekonstruksiya ishlari olib borildi.

Yilning to‘rtinchi choragida ham asosiy e’tibor quduqlar imkoniyatidan samarali foydalanishga qaratiladi. Oktyabr–dekabr oylarida tabiiy gaz qazib chiqarishni oshirish va mavjud hajmni saqlab qolish uchun Muborak neft va gaz qazib chiqarish boshqarmasida 307 ta, Sho‘rtan neft va gaz qazib chiqarish boshqarmasida esa 81 ta banddan iborat chora-tadbirlarni amalga oshirish ko‘zda tutilgan. Ular burg‘ilash, ta’mirlash va texnologik ishlarni belgilangan muddatlarda yakunlashni qamrab oladi.

Har bir kondagi ishlar geologik va geofizik tadqiqot natijalari, siquv kompressor stansiyalarining ko‘rsatkichlari hamda boshqa tahliliy ma’lumotlar asosida belgilanishi nazarda tutilmoqda. Bunda ishlatilayotgan quduqlar sonining asossiz kamayishiga yo‘l qo‘ymaslik, joriy ta’mirlash va intensifikatsiya ishlarini jadallashtirish rejalashtirilgan. Burg‘ilash va mukammal ta’mirlash jarayonlarini zarur material-texnik resurslar bilan o‘z vaqtida ta’minlash masalasi ham alohida ko‘rib chiqiladi.

Mavjud quduqlar bilan ishlash barobarida, xomashyo bazasini ta’minlashga qaratilgan geologiya-qidiruv ishlari ham rejalashtirilgan. Yil yakuniga qadar Buxoro–Xiva mintaqasidagi 6 ta maydonda 8 400 kvadrat kilometr hududni qamrab oluvchi 3D seysmik qidiruv ishlari bajariladi. Bu ishlar Muborak va Sho‘rtan hududlaridagi gazni qayta ishlash zavodlarining xomashyo bazasini ta’minlashga yo‘naltiriladi.

Qazib chiqarish infratuzilmasini tayyorlash ham ushbu ishlarning muhim qismi. "Zevarda", "O‘rtabuloq" va "Ko‘ltak" konlariga 23 ta kichik kompressor blokini yetkazib kelish, qurilish-montaj ishlarini bajarish va ularni ishga tushirishga tayyorlash rejalashtirilgan. Uskunalarni qabul qilishdan tortib quvurlarni ulash, elektr ta’minotini tashkil etish va mutaxassislarni jalb qilishgacha bo‘lgan jarayonlar o‘zaro muvofiqlashtiriladi.

Ishlarning yana bir yo‘nalishi — qazib chiqarish jarayonlarini tezkor kuzatish imkoniyatini tiklashdan iborat. "E-kon" tizimiga ma’lumotlarni barqaror uzatish uchun Muborak boshqarmasidagi 877 ta va Sho‘rtan boshqarmasidagi 517 ta, jami 1 394 ta nosoz datchik o‘rniga zarur datchiklar bosh pudratchi “O‘zLITIneftgaz” AJ tomonidan keltirilib o‘rnatish ishlari amalga oshiriladi. Shu bilan birga, siquv kompressor stansiyalarida avtomatik boshqaruv va nazorat-o‘lchov tizimlarini sozlash, ehtiyot qismlar ta’minotini yaxshilash hamda avariyaviy to‘xtashlarni qisqartirish ishlari belgilandi.

Ushbu ishlarning barchasi aniq rejaviy ko‘rsatkichlarga qaratilgan bo‘lib, to‘rtinchi chorakda Muborak boshqarmasida 1 937,8 million kub metr, Sho‘rtan boshqarmasida esa 1 602,9 million kub metr tabiiy gaz qazib olishni ta’minlash maqsad qilingan. Quduqlarni ta’mirlashdan infratuzilmani tayyorlashgacha bo‘lgan bu ishlar yagona maqsadga — kuz-qish mavsumida gaz qazib chiqarish barqarorligiga yo‘naltirilgan.

"O‘zbekneftgaz" AJ Anborot xizmati

Boshqaruv raisi Abdug‘ani Sanginov tomonidan belgilangan chora-tadbirlar izchil amalga oshirilishi va ijrosi ustidan qat’iy nazorat o‘rnatilganligi natijasida joriy 9 oylikda foyda bilan ishlayotgan bazalar soni 13 taga yetdi. Eng muhimi, o‘tgan yilning mos davridagi 108,3 milliard so‘mlik zarar o‘rnini 25,2 milliard so‘m sof foyda egalladi. Bundan tashqari, Neft bazalar tarixida ilk bor qayd etilgan bu natija tizimdagi islohotlar amalda moliyaviy samara berayotganini ko‘rsatdi.

Boshqaruv Raisi Abdug‘ani Sanginov topshirig‘iga binoan Boshqaruv raisi o‘rinbosari A.Xudoyberganov boshchiligida “Kuchlik neft bazasi” MCHJda amaliy seminar va 9 oylik yakunlari sarhisob qilinib, yil yakuniga qadar amalga oshiriladigan chora-tadbirlar hamda kelgusi yilda amalga oshiriladigan ustuvor vazifalar yuzasidan yig‘ilish bo‘lib o‘tdi. O‘tkazilgan yig‘ilishda ushbu keskin burilishni ta’minlagan omillar atroflicha tahlil qilinib, erishilgan natijalarni mustahkamlash hamda yil yakuniga qadar va kelasi yilda bajarilishi shart bo‘lgan ustuvor vazifalar belgilab olindi.

Kunlik savdo hajmi qariyb besh baravar oshdi

Hisobot davrida neft bazalar orqali 191 ming tonna mahsulot yetkazib berildi. Bu o‘tgan yilning mos davriga nisbatan 1,7 baravar ko‘p bo‘lib, tizimdagi savdo faolligi sezilarli oshganini ko‘rsatadi. AYOQSHlardagi kunlik savdo hajmi esa yil boshidagi 245 ming litrdan 1 million 237 ming litrga yetdi — qariyb besh baravar o‘sish qayd etildi. Tarmoqdagi o‘zgarishlar ham bu sur’atni qo‘llab-quvvatladi.

121 ta FYOTSH zamonaviy AYOQSHga aylantirildi, 56 ta shoxobchaga 87 ta yangi yoqilg‘i tarqatish uskunasi o‘rnatildi.

Amalga oshirilgan chora-tadbirlar natijasida Buxoro neftni qayta ishlash zavodi oldidagi kreditor qarzdorlik 296,7 mlrd so‘mga, iste’molchilarning debitor qarzdorligi 56,8 mlrd so‘mga qisqartirildi.

Videokuzatuv va raqamli nazorat: 60 ta AYOQSH qamrab olindi

Abdug‘ani Sanginov yil boshida boshlagan islohotlarning muhim yo‘nalishlaridan biri neft bazalardagi savdo va hisob-kitob jarayonlarini raqamlashtirish, inson omilini kamaytirish hamda korrupsiyaviy xavflarni cheklashdan iborat edi. Shu maqsadda 60 ta AYOQSH videokuzatuv tizimi bilan ta’minlanib, ularning 10 tasi Markaziy apparatda tashkil etilgan vaziyatlar markaziga integratsiya qilindi, qolganlarida ham raqamlashtirish ishlari davom ettirilmoqda.

Markazdan to‘g‘ridan to‘g‘ri nazorat qilish mahsulot harakati va savdo hisobini shaffof yuritish, qoidabuzarliklarning oldini olish hamda har bir operatsiya uchun mas’uliyatni oshirish imkonini bermoqda. Natijada boshqaruvda subyektiv qarorlar ta’sirini kamaytirish, moliyaviy intizomni mustahkamlash va tizimda sog‘lom ish muhitini shakllantirish uchun zarur sharoit yaratilmoqda.

Ustuvor vazifalar va yangi natijalar:
Neft bazalar faoliyatida yangi natijalarga erishish bo‘yicha aniq vazifalar belgilandi.
Jumladan,
- AYOQSHlar orqali kunlik mahsulot sotish hajmini oshirish;
- mahsulot sotish hajmini oshirish va iste’molchilarga qulaylik yaratish maqsadida, mavjud AYOQSHlarni yangi tanlangan dizayn ko‘rinishida bosqichma-bosqich rekonstruksiya qilish ishlarini tashkillashtirish;
- neft bazalarni hamda AYOQSHlarni to‘liq raqamlashtirish, bunda elektron temir yo‘l vagon tarozilarini, sath va zichlikni o‘lchash shuningdek, yonilg‘i tarqatish uskunalarini hamda aqlli kuzatuv kameralarini o‘rnatish va 1С-dasturiga integratsiya qilish.

Uchrashuvlar agentliklar bilan muntazam muloqotlar doirasida tashkil etildi. Qayd etish joizki, kompaniya reytinglarni suveren darajasiga yetkazish va uni saqlab qolishni maqsad qilgan. Shu bilan birga, moliyaviy ko‘rsatkichlar, jumladan, agentliklar metodologiyalari asosidagi ko‘rsatkichlar muntazam monitoring qilib borilmoqda.

Ma’lumot uchun: 2025 yilda "Fitch Ratings" "O‘zbekneftgaz" AJ reytingini "BB" darajasiga, "S&P Global Ratings" esa "BB-" darajasigacha oshirdi. Har ikki reyting bo‘yicha prognoz — "Barqaror".

Agentliklarga transformatsiya natijalari, jumladan, korporativ boshqaruvni kuchaytirish va moliyaviy ko‘rsatkichlarni yaxshilash bo‘yicha erishilgan natijalar taqdim etildi. Joriy yil 30 iyun holatiga ko‘ra, so‘nggi o‘n ikki oyda tushum 10 foizga o‘sib, 3 mlrd dollarga, EBITDA esa 1,5 mlrd dollarga yetdi. Ushbu natijalar mustaqil auditorlar tomonidan tekshirilgan moliyaviy hisobotlar bilan tasdiqlanadi.

Kompaniyaning moliyaviy barqarorligi tizimli davlat ko‘magi (2026 yilda qariyb 1 mlrd dollar) va daromad manbalarini diversifikatsiya qilish hisobiga ta’minlanmoqda. "Sof qarz/EBITDA" ko‘rsatkichi 3,1x dan 2,2x gacha pasaydi. Qayta moliyalashtirish natijasida kredit portfeli tuzilmasi yaxshilanmoqda, kovenantlar yetarli zaxira bilan bajarilmoqda va likvidlik mustahkamlanmoqda.

Shuningdek, gaz qazib olish hajmini barqarorlashtirish choralari va "ESG" sohasidagi yangi yutuqlar taqdim etildi. Ular qatorida kompaniyaning birinchi xalqaro "ESG" reytingi hamda ISSB standartlari asosida tayyorlangan ilk iqlim hisoboti bor.

"O‘zbekneftgaz" reytinglarni qayta ko‘rib chiqish jarayonida agentliklar bilan yaqin hamkorlikni davom ettirishga tayyor ekanligi bildirildi.
 
"O‘zbekneftgaz" AJ Axborot xizmati

“Kuchlik neft bazasi” MCHJda Boshqaruv raisi o‘rinbosari A.Xudoyberganov boshchiligida o‘tkazilgan yig‘ilishda ushbu keskin burilishni ta’minlagan omillar atroflicha tahlil qilinib, erishilgan natijalarni mustahkamlash hamda yil yakuniga qadar bajarilishi shart bo‘lgan ustuvor vazifalar belgilab olindi.

Bugun mazkur tizim respublikaning barcha hududlarini qamrab olgan yirik tarmoqqa aylangan. Uning tarkibida 14 ta neft baza, 62 ta obyekt va 355 ta shoxobcha, jumladan, 152 ta avtomobillarga yoqilg‘i quyish shoxobchasi faoliyat yuritmoqda.

Kunlik savdo hajmi qariyb besh baravar oshdi

Hisobot davrida neft bazalar orqali 191 ming tonna mahsulot yetkazib berildi. Bu o‘tgan yilning mos davriga nisbatan 1,7 baravar ko‘p bo‘lib, tizimdagi savdo faolligi sezilarli oshganini ko‘rsatadi. AYOQSHlardagi kunlik savdo hajmi esa yil boshidagi 245 ming litrdan 1 million 237 ming litrga yetdi — qariyb besh baravar o‘sish qayd etildi. Tarmoqdagi o‘zgarishlar ham bu sur’atni qo‘llab-quvvatladi. 121 ta FYOTSH zamonaviy AYOQSHga aylantirildi, 56 ta shoxobchaga 87 ta yangi yoqilg‘i tarqatish uskunasi o‘rnatildi.

Buxoro neftni qayta ishlash zavodi oldidagi kreditor qarzdorlik 296,7 mlrd so‘mga, iste’molchilarning debitor qarzdorligi 56,8 mlrd so‘mga qisqartirildi. Shtatlarni optimallashtirish doirasida 986 ta shtat birligi qisqartirilib, 194,2 mlrd so‘m iqtisodiy samaraga erishildi.

Videokuzatuv va raqamli nazorat: 60 ta AYOQSH qamrab olindi

Abdug‘ani Sanginov yil boshida boshlagan islohotlarning muhim yo‘nalishlaridan biri neft bazalardagi savdo va hisob-kitob jarayonlarini raqamlashtirish, inson omilini kamaytirish hamda korrupsiyaviy xavflarni cheklashdan iborat edi. Shu maqsadda 60 ta AYOQSH videokuzatuv tizimi bilan ta’minlanib, ularning 10 tasi Markaziy apparatda tashkil etilgan vaziyatlar markaziga integratsiya qilindi, qolganlarida ham raqamlashtirish ishlari davom ettirilmoqda.

Markazdan to‘g‘ridan to‘g‘ri nazorat qilish mahsulot harakati va savdo hisobini shaffof yuritish, qoidabuzarliklarning oldini olish hamda har bir operatsiya uchun mas’uliyatni oshirish imkonini bermoqda. Natijada boshqaruvda subyektiv qarorlar ta’sirini kamaytirish, moliyaviy intizomni mustahkamlash va tizimda sog‘lom ish muhitini shakllantirish uchun zarur sharoit yaratilmoqda.

270,2 milliard so‘m: mablag‘lar qaysi maqsadlarga yo‘naltiriladi?

Yig‘ilishda yil yakunigacha neft bazalar faoliyatida yangi natijalarga erishish bo‘yicha aniq vazifalar belgilandi. Jumladan, 1 noyabrdan kunlik yoqilg‘i savdosini 1,5 million litrga yetkazish, to‘rtinchi chorakda yana 28 ta shoxobchani “O‘zbekneftgaz” brendi ostidagi zamonaviy AYOQSHga aylantirish va propan savdosini yo‘lga qo‘yish rejalashtirildi. Tovar-xom ashyo birjasi orqali 100 kilogrammdan 10 tonnagacha bo‘lgan kichik lotlarda mahsulot sotishni tashkil etish esa xaridorlar uchun qo‘shimcha imkoniyatlar yaratishga xizmat qiladi.

Shuningdek, tizim faoliyati tarixida ilk bor joriy yilda tegishli tashkilotlar tomonidan neft mahsulotlarini saqlash uchun to‘langan 270,2 milliard so‘m mablag‘ni rekonstruksiya va raqamlashtirish ishlariga, shuningdek, Buxoro NQIZ oldidagi qarzdorlikni so‘ndirishga yo‘naltirish belgilandi.

Islohotlar samarasi xodimlarni rag‘batlantirish tizimida ham aks etadi. Faoliyatini sof foyda bilan yakunlagan neft bazalar xodimlarining ish haqini 2027 yil 1 yanvardan 20 foizgacha oshirish, AYOQSH operatorlarini esa KPI asosida rag‘batlantirish belgilandi.

"O'zbekneftgaz" AJ Axborot xizmati

Ma’lumki, joriy yil boshida Jamiyat tizimida geologiya-qidiruv va burg‘ilash ishlarini kengaytirish, yangi quduqlarni o‘z vaqtida ishga tushirish hamda uglevodorod qazib chiqarish hajmini barqarorlashtirishga qaratilgan keng ko‘lamli islohotlar boshlangan edi. Ishchi guruhning Ustyurt hududidagi navbatdagi o‘rganishlari ham ushbu islohotlarning joylardagi amaliy ijrosini, barpo etilayotgan infratuzilmaning ishlab chiqarish ehtiyojlariga muvofiqligini va har bir obyektning samaradorlikka qo‘shadigan hissasini baholashga qaratilgan.

Tashrif doirasida ishchi guruh dastlab Jamiyat uchun barpo etilayotgan yangi moddiy-texnik resurslar ombori hamda “UNG Burg‘ilash” MCHJ Ustyurt filiali bazasida amalga oshirilayotgan ishlar bilan tanishdi.

Qo‘ng‘irot tumanida qad rostlayotgan ushbu ikki obyekt kelgusida Jamiyatning Ustyurt hududidagi ishlab chiqarish faoliyati uchun muhim tayanch nuqtaga aylanadi. Xususan, markazlashtirilgan ombor kengayib borayotgan burg‘ilash maydonlarini zarur texnika, uskuna va quvurlar bilan uzluksiz ta’minlash, logistika jarayonlarini tizimlashtirish hamda ta’minotdagi ehtimoliy uzilishlarning oldini olish imkonini beradi.

Ombor qurilish jarayonini ko‘zdan kechirgan Boshqaruv raisi ishlarni jadallashtirish va xarajatlarni maqbullashtirish yuzasidan aniq vazifalar belgilab berdi. Jumladan, qurilish materiallarini mahalliy tadbirkorlardan xarid qilish orqali sarf-xarajatlarni kamaytirish, shu bilan birga, hududdagi tadbirkorlik subyektlarini qo‘llab-quvvatlash bo‘yicha ko‘rsatmalar berildi.

Ta’kidlash joizki, joriy yil sentyabr oyi boshida Boshqaruv raisi “UNG Burg‘ilash” MCHJ Ustyurt filiali bazasi qurilishiga oid dastlabki smeta hujjatlari bilan tanishib, loyihani ishlab chiqarish ehtiyojlari va iqtisodiy samaradorlik nuqtayi nazaridan qayta ko‘rib chiqish bo‘yicha qator takliflar bildirgan edi. Xususan, ishlab chiqarish jarayoniga bevosita xizmat qiladigan binolarni saqlab qolish, kam foydalaniladigan va ortiqcha xarajat talab etadigan inshootlarni loyihadan chiqarish vazifasi qo‘yilgandi.

Mazkur topshiriqlar asosida smeta qayta ishlanib, qurilishga yo‘naltiriladigan mablag‘lar va binolar soni maqbullashtirildi. Navbatdagi o‘rganishlar davomida yangilangan loyiha-smeta hujjatlari ishchi guruhga taqdim etildi va ma’qullandi.
Keyingi bosqichda tasdiqlangan yakuniy loyiha asosida tender savdolari e’lon qilinib, qurilish ishlariga kirishiladi.

Shuningdek, mas’ullarga yog‘ingarchilik mavsumi boshlanguniga qadar zarur qurilish materiallarini zaxiralash, ishlarni belgilangan muddatda va sifatli yakunlash bo‘yicha topshiriqlar berildi.

Ushbu obyektlar foydalanishga topshirilgach, Qo‘ng‘irot va Mo‘ynoq tumanlarida bir necha yuzlab yangi ish o‘rinlari yaratilib, mahalliy aholi bandligini ta’minlashga munosib hissa qo‘shilishi kutilmoqda.

Ayni paytda ishchi guruhning Ustyurt hududidagi o‘rganishlari konlar va ishlab chiqarish obyektlarida davom etmoqda.

“O‘zbekneftgaz” AJ Axborot xizmati

Jumladan, Muborak va Sho‘rtan boshqarmalarida ayrim kon boshliqlariga bir nechta kon va obyektlarni bir vaqtda boshqarish yuklangani tanqid qilinib, mehnat resurslarini qayta ko‘rib chiqish, takrorlanuvchi shtat birliklarini maqbullashtirish orqali bo‘shaydigan resurslarni ishlab chiqarish uchun zarur bo‘lgan yo‘nalishlarga yo‘naltirish bo‘yicha topshiriq berildi.

Boshqaruv raisi tomonidan konlarda avariyalarga yo‘l qo‘ymaslik, tabiiy pasayishni jilovlash va belgilangan ishlab chiqarish ko‘rsatkichlarini ta’minlash quyi bo‘g‘in rahbarlarining asosiy vazifalaridan biri ekani ta’kidlandi. Shu bilan birga, mehnat natijasiga qarab bir xil yondashuv asosida haq to‘lash amaliyotini qayta ko‘rib chiqish zarurligi qayd etildi. Keyingi yig‘ilishlarda kon boshliqlarining bevosita ishtirok etishini ta’minlash vazifasi qo‘yildi.

Konlarda ishlash uchun zarur sharoitlarni yaratish borasida ham amaliy choralar ko‘rilayotgani qayd etildi. Xususan, Muborak neft va gaz qazib chiqarish boshqarmasiga konlarda harakatlanish va ish jarayonlarini ta’minlash uchun avtotransport vositalarini xarid qilish holati yuzasidan mas’ullardan so‘raldi.

Shuningdek, yig‘ilishda ishchi guruhlar o‘rganishlari natijasida aniqlangan kamchiliklarni bartaraf etish bilan birga, kuz-qish mavsumida uzluksiz ishlash uchun zarur infratuzilmani tayyorlash masalasiga ham alohida e’tibor qaratildi.

Boshqarmalarda mavjud nasoslar, texnologik liniyalar va boshqa ishlab chiqarish obyektlarini mavsumga shay holatga keltirish, yog‘ingarchiliklar boshlanishidan oldin konlarga olib boruvchi yo‘llarni tayyorlash ishlarini yakuniga yetkazish bo‘yicha qo‘shimcha vazifalar belgilandi.

Muborak neft va gaz qazib chiqarish boshqarmasida joylarga chiqib o‘rganishlar natijasida 307 ta chora-tadbir shakllantirilgan. Ularning har biri bo‘yicha ijroni ta’minlash, mas’ullarni belgilash va natijadorlikni nazorat qilish topshirildi.

Shu bilan birga, ushbu boshqarmalarda texnik tadbirlar uchun reja qilingan mablag‘larni o‘zlashtirish talab darajada emasligi tanqid qilindi. Bunda ajratilgan mablag‘larni o‘z vaqtida va maqsadli o‘zlashtirish, ularni, eng avvalo, qazib chiqarish barqarorligini ta’minlashga xizmat qiladigan ishlarga yo‘naltirish bo‘yicha aniq vazifalar qo‘yildi.

O‘rganishlar davomida Muborak boshqarmasi tasarrufidagi chekka hududlarda foydalanilmayotgan obyektlar ham aniqlangan. Bunday obyektlarni saqlash bilan bog‘liq ortiqcha xarajatlarni kamaytirish yuzasidan topshiriqlar berildi.

Yig‘ilishda 9 oy davomida burg‘ilangan quduqlar, ulardan olingan natijalar, shuningdek, burg‘ilanganiga qaramay gaz olish imkoni bo‘lmagan quduqlar holati ham tahlil qilindi.
Bunda har bir quduq bo‘yicha natijaga ta’sir qilgan omillarni chuqur o‘rganish, mavjud imkoniyatlardan samarali foydalanish va keyingi burg‘ilash ishlarida xulosalardan foydalanish zarurligi ta’kidlandi. Xitoy kompaniyalari bilan tuzilgan shartnoma asosida keltirilgan 8 ta burg‘ilash uskunasi ishlatilayotgani, qolgani ham yetib kelishi haqida axborot berildi.

Yig‘ilishda qayd etilganidek, joylardagi o‘rganishlar Gazli hamda Ustyurt boshqarmalarida ham olib boriladi. Bu hududlarda ham qazib chiqarish jarayonlari, mavjud muammolar, infratuzilma va texnika holati, kuz-qish mavsumiga tayyorgarlik hamda qazib chiqarish barqarorligi kompleks tahlil qilinib, natijasi bo‘yicha alohida chora-tadbirlar shakllantiriladi.

Yig‘ilish yakunida "Mustaqillikning 25 yilligi" konida avariya oqibatlarini bartaraf etish bo‘yicha amalga oshirilayotgan ishlar holati ham ko‘rib chiqildi. Belgilangan chora-tadbirlarning ijrosi, mavjud muammolar va ularni tezkor hal etish masalalari tahlil qilindi.

Avariya hududidagi ishlarni zarur texnika va uskunalar bilan ta’minlash maqsadida Xitoydan yetkazib berilayotgan burg‘ilash uskunalari hamda zarur texnikalar ortilgan 238 ta yuk avtomobili yo‘lga chiqqani haqida ma’lumot berildi. Ularning harakati va belgilangan manzilga yetib borishi bilan bog‘liq tashkiliy masalalarni oldindan hal etish, ularni qabul qilish va ishga jalb etish jarayonlarini muvofiqlashtirish bo‘yicha mas’ullarga zarur topshiriqlar berildi.

Yig‘ilishda barcha yo‘nalishlar bo‘yicha muammoni joyida aniqlash, aniq muddat va mas’ulni belgilash, keyin esa natijani talab qilish tamoyil ustuvor ekani belgilab berildi.

"O‘zbekneftgaz" AJ Axborot xizmati

Uchrashuv doirasida “O‘zbekneftgaz” AJning moliyaviy barqarorligini mustahkamlash, kredit portfelini optimallashtirish hamda moliyaviy xarajatlarni maqbullashtirish masalalari muhokama qilindi.

Muzokaralar yakunida Jamiyat tomonidan davlat kafolati ostida ilgari jalb qilingan yuqori foizli kreditlarni qayta moliyalashtirish bo‘yicha Bank of China bilan Mandat bitimi imzolandi. Shuningdek, mazkur moliyalashtirishning asosiy shartlari yuzasidan tomonlar o‘rtasida kelishuvga erishildi.

Qayta moliyalashtirish mexanizmini amalga oshirish Jamiyatning kredit majburiyatlarini yanada samarali boshqarish, foiz xarajatlarini kamaytirish va moliyaviy resurslardan foydalanish samaradorligini oshirishga xizmat qiladi.

Mazkur bitim O‘zbekiston Respublikasi Vazirlar Mahkamasi huzuridagi muvofiqlashtiruvchi komissiya tomonidan belgilangan vazifalar ijrosi doirasida amalga oshirilmoqda.

Uchrashuv davomida, shuningdek, uzoq muddatli investitsiyaviy loyihalarni moliyalashtirish istiqbollari muhokama qilindi. Tomonlar o‘zaro moliyaviy hamkorlikni yanada rivojlantirish va istiqbolli loyihalar doirasida hamkorlik ko‘lamini kengaytirishga kelishib oldilar.

"O'zbekneftgaz" AJ Axborot xizmati

Jamiyatda qo‘riqlash xizmati bilan bog‘liq xarajatlarni maqbullashtirish hamda zamonaviy texnologiyalar asosida idoraviy harbiylashtirilgan qo‘riqlash xizmatlarini tashkil etish bo‘yicha yangi yondashuvlar yo‘lga qo‘yilmoqda. Jamiyat tasarrufidagi obyektlarda xorijiy kompaniyalarning ilg‘or tajribasi o‘rganilib, qo‘riqlash jarayonlariga axborot-kommunikatsiya texnologiyalarini joriy etish imkoniyatlari tahlil qilindi.

O‘rganishlar natijasida Sho‘rtan neft va gaz qazib chiqarish boshqarmasiga qarashli gazkondensat quvur liniyasining dastlabki 21 kilometrlik qismida avtomatlashtirilgan optik tolali akustik monitoring — DAS tizimini joriy etishga qaror qilindi. Bu texnologiya quvur liniyasi bo‘ylab yuzaga kelishi mumkin bo‘lgan noqonuniy harakatlarni tezkor aniqlash va markazlashgan raqamli nazoratni yo‘lga qo‘yish imkonini beradi.

Loyihaning muhim jihati — ilgari jismoniy kuch bilan qo‘riqlangan 10 ta postdagi nazoratni raqamlashtirish imkoni yaratilganidir. Natijada qo‘riqlash jarayonida inson omili sezilarli darajada kamayib, nazoratning uzluksizligi va tezkorligi ta’minlandi. Dastlabki hisob-kitoblarga ko‘ra, mazkur yechim qo‘riqlash bilan bog‘liq xarajatlarni yiliga 5 milliard so‘mgacha optimallashtirish imkonini bermoqda.

Loyiha Boshqaruv raisiga taqdim etilganidan so‘ng, belgilangan topshiriqlar asosida uni amalga oshirish ishlari boshlandi. “O‘zbekneftgaz” AJ va “SMART TECHNOLOGY SYSTEM” MCHJ o‘rtasida tegishli shartnoma imzolanib, loyihani amalga oshirish uchun Xitoyning “Hikvision” kompaniyasi bilan hamkorlikda zarur qurilma va jihozlar xarid qilindi. Shu bilan birga, ichki imkoniyatlardan foydalangan holda quvur liniyalarida zarur qurilish-montaj ishlari bajarildi, kabellar yotqizilib, DAS qurilmasi dasturlandi va tizim to‘liq ishga tushirildi.

Bugun mazkur tizim quvur liniyalaridagi xavfsizlikni ta’minlashning zamonaviy vositasi sifatida ishlamoqda. Uning yana bir muhim jihati — alohida infratuzilma sharoitlarini yaratishga katta qo‘shimcha xarajat talab etmasligi va mavjud sharoitlarga moslashtirilganidir.

Eng muhimi, bu — yil boshida boshlangan islohotlarning amaldagi natijalaridan biri. Ya’ni samaradorlik faqat mablag‘ni tejash bilan emas, kamroq resurs bilan yanada ishonchli, tezkor va zamonaviy natijaga erishish bilan o‘lchanmoqda.

Qo‘riqlash tizimidagi ushbu tajriba bilan cheklanib qolinmaydi. Kelgusida “O‘zbekneftgaz” AJ tasarrufidagi boshqa obyektlarda ham raqamlashtirilgan axborot texnologiyalarini joriy etish imkoniyatlari o‘rganilmoqda.

"O‘zbekneftgaz" AJ Axborot xizmati