Ўзбек заъфарони Европага экспорт қилина бошланди

Ўзбекистонлик экспортчилар Ўзбекистоннинг янги маҳсулоти – заъфаронни хорижга сотишни бошладилар. Зираворнинг биринчи партияси 29 июль куни Европага йўл олади.

Ўзбекистон маҳсулоти “BMB Za’faron” бренди остида экспорт қилинмоқда. Европага чиқарилаётган заъфарон шартнома қиймати 15 миллион еврони ташкил этмоқда.

Келажакда Ўзбекистонда етиштирилаётган сифатли заъфаронни нафақат Европа қитъасига, балки Америка ва Осиёга ҳам сотиш режалаштирилмоқда.

Эслатиб ўтамиз, аввалроқ ўзбек заъфаронига Саудия Арабистонидан бўлган харидорлар қизиқиш билдиришганди. Ҳатто шу масалада Ўзбекистон элчиси Улуғбек Мақсудов «Sunbula Technologies Est» компанияси раҳбари Убайдулла Сиддиқий билан учрашганди.