Италияда етиштирилган гилос Гиннес рекордлар китобига киритилди!

Италиялик фермерлар 33 грамм тош босадиган гилос мевасини етиштиришга муваффақ бўлишди. Бу оғирлик дунё рекордида янгилик бўлиб турибди.

Гигант гилос Печетто-Торинезелик Альберто ҳамда Жузеппе Россолар маҳсулоти ҳисобланади. Уларнинг оиласи 100 йилдан ортиқ вақт давомида гилосчилик билан шуғулланиб келишади.

– Ўтган бир неча йил давомида биз Кармен навли гилосларимиз Гиннес рекордлар китобига киришга тайёрлигини кузатиб келдик ва айнан шу йил бир гуруҳ экспертларни чақиртирдик, – дейди Альберто Россо.

Янги, рекордчи гилоснинг оғирлиги 33,05 граммни ташкил қилди. Ўтган галги 26,45 граммли рекорд ҳам айнан итальян фермерига тегишли эди.

Италия – Европанинг энг йирик гилос етиштирадиган давлатларидан саналади. Мамлакатдаги гилос боғлари деярли 30 минг гектарни ташкил қилади. Улар асосан Апулия, Кампания, Эмилия-Романья, Венето ҳамда Лацио шаҳарларида жойлашган.