«Мені көрген [және иман еткен] адамға – «туба» болсын. Ал мені көрмей тұрып маған иман келтірген адамға – жеті есе «туба» болсын».

Әбу Умама риуаят еткен хадисте Аллаһ Елшісі ﷺ айтты: «Мені көрген [және иман еткен] адамға – «туба»¹ болсын. Ал мені көрмей тұрып маған иман келтірген адамға – жеті есе «туба» болсын». Хадисті Ахмад риуаят етті.

¹«Туба»: Игілік немесе қайырлы өмір немесе жәннаттағы атақты ағаш.

Мулла Әли әл-Қари әл-Ханафи әл-Матуриди «Мирқату әл-Мәфәтих шарх Мишкат әл-Масабих» (хадис нөмір: 6290) кітабында хадистің түсіндірмесінде айтты:

«(Әбу Умама) әл-Бәһили (риуаят еткен хадисте Аллаһ Елшісі ﷺ айтты: «Мені көрген) яғни, мені көріп иман келтірген (адамға – «туба» болсын). (Ал мені көрмей тұрып маған иман келтірген адамға – жеті есе «туба» болсын»). Бұл екеуіне де (яғни, тубаға лайық болған екі топқа) иман шарт етілген.

Ат-Тыйби айтты: «Пайғамбарымыздың ﷺ: «Бұл жерде «жеті рет» – нақты сан айтылмай, көбейту (яғни, «өте көп» мағынасын білдіру) үшін айтылған».

(Хадисті Ахмад риуаят етті). «Әл-Жамиғ» кітабында: «Мені көріп, маған иман келтірген адамға – «туба» болсын, әрі мені көрмей, маған иман келтірген адамға – жеті есе «туба» болсын».

Оны Ахмад, әл-Бухари өзінің «Тарих» кітабында, Ибн Хиббан «Сахих» кітабында, және әл-Хаким «әл-Мустадрак» кітабында Әбу Умамадан риуаят еткен. Сол секілді, бұл хадисті Ахмад та Анастан риуаят еткен.

Ал ат-Тайалуси мен Абд бин Хумайд ибн Амр мынадай сөздермен риуаят еткен: «Мені көріп, маған иман келтірген адамға – «туба» болсын, әрі мені көрмей, маған иман келтірген адамға – үш есе «туба» болсын».

Сондай-ақ, оны Ахмад пен Ибн Хиббан Әбу Сағидтен риуаят еткен. Ондағы сөздері: «Мені көріп, маған иман келтірген адамға – «туба» болсын. Сосын «туба», сосын «туба», сосын тағы да «туба» – мені көрмей, маған иман келтірген адамға болсын».