«Сендерден біреу мешітке кірсе: «Аллаһым! Маған рахметіңнің есіктерін аш!» — деп айтсын. Ал мешіттен шыққанда: «Уа, Аллаһ! Сенің кеңшілігіңнен сұраймын!» — деп айтсын».

Әбу Усәидтен (Аллаһ одан разы болсын) риуаят еткен хадисте Аллаһ Елшісі ﷺ айтты: «Сендерден біреу мешітке кірсе: «Аллаһым! Маған рахметіңнің есіктерін аш!» — деп айтсын. Ал мешіттен шыққанда: «Уа, Аллаһ! Сенің кеңшілігіңнен сұраймын!» — деп айтсын». Хадисті имам Муслим риуаят етті.

Мулла Әли әл-Қари әл-Ханафи әл-Матуриди «Муснад әл-Имам әл-Ағзам» кітабына жазған (хадис нөмір: 703) түсіндірмесінде айтты:

«(Әбу Усәидтен (Аллаһ одан разы болсын) риуаят еткен хадисте) ат-Тыйби айтты: «Малик ибн Рабиға, ансарлардың Саид руынан» (Елшісі ﷺ айтты: «Сендерден біреу мешітке кірсе: «Аллаһым! Маған рахметіңнің есіктерін аш!» — деп айтсын. Ал мешіттен шыққанда: «Уа, Аллаһ! Сенің кеңшілігіңнен сұраймын!» — деп айтсын»). Ат-Тыйби айтты: «Бұл дұғалардағы таңдаудың (яғни мешітке кіргенде рахметін, ал шыққанда кеңшілігін сұраудың) сыры — мүмкін мынада болар: Адам мешітке кіргенде, Аллаһтың жәннатына, сауабына жақындататын істермен шұғылданады (намаз, зікір, Құран). Сондықтан бұл жерде рахметті еске алу лайықты. Ал мешіттен шыққан соң, ол рұқсат етілген ризықты іздеумен айналысады. Сондықтан ол жерде Аллаһтың кеңшілігі мен рызығын сұрау лайықты». Себебі Аллаһ Тағала Құранда: ﴾Намаз өтелген соң, жер бетіне тараңдар және (адал кәсіп қылып) Алланың шексіз шарапатынан ризық-несібелеріңді іздеңдер﴿ («Жұма» сүресі, 10-аят) — деді. (Хадисті имам Муслим риуаят етті)

Әбу Дәуіт бұл хадисті Әбу Хумәйд немесе Әбу Усәидтен (екі арасында күмәнмен) риуаят еткен. Ән-Нәсәи олардан (екеуінен де) еш күмәнсіз риуаят еткен. Ибн Мәджа — тек Әбу Хумәйдтен риуаят еткен. Осыны Мирк «Сахих» деп келген кітаптан жеткізген.

Ал Хаким риуаят еткен хадисте, әрі оны сахих деп бекіткен: «Сендерден біреу мешітке кірсе, Пайғамбарға ﷺ сәлем берсін де, «Уа, Аллаһ! Мені қуылған шайтанның сақта!» — деп айтсын».

Ибн әс-Сунни келтірген хадисте: «Сендерден біреу мешіттен шыққысы келсе, Іблістің әскерлері — аралар патшасына үймелегендей — жабылып, азғыру үшін жиналады. Сондықтан кім мешіттің есігінде тұрса, «Уа, Аллаһ! Мен Сенен Ібліс пен оның әскерінен панала сұраймын!» — деп айтсын. Шынында, бұл дұғаны айтқан адамға олар зиян тигізе алмайды»».