Яһудейлердің мұсылмандарға жасаған ең алғашқы қиянаты
«Ибн Һашим риуаят етті: «Бану Қайнуқағ тайпасының базарына бір мұсылман әйел келеді. Әйел еврей зергеріне барып, қасына отырады да, оған қолындағы асыл бұйымдарды көрсете бастайды. Еврейлер мұсылман әйелдің жүзін көруді қалайды, бірақ әйел жүзін ашудан бас тартады. Сонда еврейлердің бірі мұсылман әйелдің артына ақырын келіп, көйлегінің етегін жерге байлап қояды. Мұсылман әйел орнынан тұрған сәтте көйлегі жыртылып, денесі ашылып кетеді. Еврейлер күле бастайды. Мұсылман әйел (көмекке шақырып) айқайлады. Мұсылмандардың бірі жүгіріп келіп, әлгі еврей зергерді өлтіреді. Жауап ретінде яһудилер мұсылманға жабылып, оны да өлтірді. Өлтірілген мұсылманның туыстары өздерінің діндестерін көмекке шақырып, еврейлерге шабуыл жасайды. Нәтижесінде қақтығыс болады. Алғашқы рет Аллаһ Елшісімен ﷺ еврейлер арасындағы келісімді бұзғандар Бану Қайнуқағ еврейлері болатын».
«Яһудилерге тән сатқындық пен қиянат себебінен олар қасында тұратындармен өмір сүруді ұнатпайды және оларға қарсы зұлымдық жоспарламацынша немесе оларға опасыздық жасамайынша олармен бірге өмір сүре алмайды. Олар бұл үшін барлық құралдар мен себептерді жасауға толық дайын».
«Бұл ислам діні әйелдерге парыз еткен хиджабтың бетті де жауып тұратынын көрсетеді. Әйтпесе, әйелдің көшеде бетін жауып жүруінің қажеті болмас еді. Егер әйел жүзін жабу діни бұйрық болмағанда еді, яһудилер ол әйелді масқараламас еді, өйткені олар мұны (яғни, жүзді жабу) діни бұйрық болғандықтан істеп, сол арқылы діни намысын масқаралауды ғана қалады».
(Шейх Рамадан әл-Бути әш-Шәфиғи әл-Әшғари, Аллаһу Тағала оны рақымына алсын, әйел адам жүзін жабу және әйелдің жүзіне шаһуатпен қарауға болмайтындығына бірнеше хадистер келтіргеннен кейін айтты:)
«Демек, сен бұл хадистерде екі тыйымның бір жерге жиналғанын көресің: әйел махрам болмаған ерлердің алдында бетін немесе басқа жерін ашуға тыйым салынғанын және ер өзіне махрам болмаған әйелге қарауға тыйым салынғанын. Бұл тыйымдар емделу, білім алу, (сотта) куәлік ету және т.б. мұқтаждықтар сияқты жағдайларды қоспағанда, әйелдің жүзі бөтен еркекке әурет екендігін көрсетеді.
Бірақ кейбір мәзһаб имамдары әйелдің беті мен қолы әурет емес, сондықтан оны жабуда шарт емес деген пікірде. Олар алдын келтірілген хадистерді әйел бетін жабу шарт емес, мәндуб деп түсіндірген. Бірақ сол ғалымдар әйелдің қандайда бір жеріне шаһуатпен қарау рұқсат емес екендігіне және қоғамда азғындық кең таралып, пасықтар әйелге арам оймен қарайтын болса, мұндай жағдайда әйел бетін жабуы уәжіп екендігіне барлығы келісті.
Егер сен мұсылмандардың қазіргі жағдайы мен ислам қоғамында пасықтық, азғындық, тәрбиесіздік пен жеңілтектік кең тарағандығына ой жүгертсең/қарасаң, мұндай жағдайда әйел бетін ашуына рұқсат деп айтуға болмайтынын түсінесің... Ислам қоғамы келе жатқан бұл қауіпті еңіс, мұсылмандардан – қауіпсіздік пен амандық үшін – еңісті аман өтіп, өз істерін өз қолдарына алғанға дейін, (шариғат үкімдерін ұстануда) аса сақтық пен қатаңдықты талап етеді».
«Бір қызығы, кейбір адамдар «уақыттың өзгеруімен үкімде өзгереді» деген сөзге жабысып алып, (шариғатты) жеңілдету уәжіп амалдардан бас тартумен болады дейді. Бірақ олар шариғат үкімін қатты ұстану керек жерде бұл ережені мүлдем ұмытып кетеді.
Мен «уақыттың өзгеруімен үкімде өзгереді» деген ережеге қатысты, біз өмір сүріп жатқан заман талабына және тайғақ беткейлердің көбеюіне байланысты сақтық қажет ететін мына заманда әйел бетін жабуы керек дегеннен басқа айқын бір мысал таппаймын¹, Аллаһу Тағала бізге Ислами қоғам нәсіп еткенге дейін».
¹Яғни, «уақыттың өзгеруімен үкімде өзгереді» деген ережеге сай: күнімізде әйел адам бетін жабу уәжіп, керісінше ашу емес! Өйткені Шейх жоғарыда уақыт өте адамдар қатты бұзылғанын атап өтті.
Шейх Рамадан әл-Бути әш-Шәфиғи әл-Әшғари, «Фиқһу әс-Сира», 167-170 бет.