«Алайда Омар (Аллаһ одан разы болсын) олармен бірге жерленгеннен кейін, Аллаһпен ант етемін, мен ол жерге тек киімімді қатты қымтап кіретін болдым — Омардан (Аллаһ одан разы болсын) ұялып».

Айша анамыз былай деген: «Мен Аллаһ Елшісі ﷺ жатқан үйге кірген кезде, киімімді шешіп: «Бұл — менің жұбайым және әкем ғой», — деп өзімді еркін ұстайтынмын. Алайда Омар (Аллаһ одан разы болсын) олармен бірге жерленгеннен кейін, Аллаһпен ант етемін, мен ол жерге тек киімімді қатты қымтап кіретін болдым — Омардан (Аллаһ одан разы болсын) ұялып». Хадисті имам Ахмад риуаят етті.

Ғұлама мухаддис Абдул-Хақ әд-Дәхләуй әл-Бухари әл-Ханафи өзінің «Ламағату әт-Танқих фи шарх Мишкат әл-Масабих» (хадис нөмір: 1771) кітабында хадистің түсіндірмесінде айтты:

«Бұл хадис мәйіттің тірі (рухани) өмірі бар екеніне айқын дәлел. Сондай-ақ мәйітті, әсіресе салиқалы кісілерді зиярат еткенде мүмкіндігінше құрмет көрсетіп, әдеп пен ұяттылықты сақтау керектігін көрсетеді — сырттай да, іштей де әдеп сақтау керек. Өйткені салиқалы кісілер өздерін зиярат еткендерге әдептері мен рухани қабылетіне қарай ерекше рухани жәрдем (фәйз) береді.

Осыны шейхтың шархында да осылай деп түсіндірген.

Ал шынайы туралықты Аллаһ Тағала ғана біледі. Соған ғана қайтамыз, соған ғана беттейміз».