Кенесары ханның ұлы Сыздық сұлтанның 1869 жылғы 20 тамыздағы Адайларға хаты.

Кенесары ханның ұлы Сыздық сұлтанның 1869 жылғы 20 тамыздағы Адайларға хаты:

«Біріншіден, Аллаһтың атымен, екіншіден, Пайғамбарға Аллаһтың игілігі мен сәлемі болсын!

Ол Аллаһ! Кемелдік шегі, шариғат қылышының маржаны, ақиқат бағының раушаны, тариқат бақшасының бұлбұлы, тұрақтылық шырақының шырағы, кең пейілділіктің тостағаншасы, сұраушының шипасы, барлық кеселден сақтасын!

Адай руынан шыққан қайырымды ержүректерге, билерге және кішіден үлкенге дейін мынаны айтамыз:
Ганганың баласы Хошвак-Батыр сендердің аман-саулығыңды хабарлап, бізді қатты қуантты. Сіздің жауыз, арам орыстармен соғысқаныңызды естідік. Егер бұл рас болса, бұл туралы бізге жазбаша түрде хабарлауыңызды сұраймыз. Егер сен Аллаһтың разылығы үшін және Пайғамбардың, оған Алланың игілігі мен сәлемі болсын, жолында күресуді ұйғарсаңдар, онда бұл үш жүздің ұлдары бірігіп, атқа қонуына себеп болады және бұл жағдайда екі аймақтағы үлкен және кішігірім текті адамдарға хат жіберу керек.

Жақында болатын оқиғаны игілік деп санауымыз керек: өлтірсек, кәпірлерге қарсы соғысқан жауынгер ретінде атағымыз шығады, ал егер олар бізді өлтірсе, шаөидтердің қатарына қосыламыз. Бізге мынадай ой келді: неліктен біз осы мына өмірді қудалай отырып, болашақ өмірде әркімге тағайындалған бақыттан айрылуымыз керек?

Құрметтілерім, істі (яғни, кәпірлерге қарсы бастаған соғысты) бастағандарыңызға қуанып, біз күндіз-түні әр намаздан кейін денсаулықтарыңыз үшін дұға етіп, Ұлы Жаратушыдан сізбен кездесуді алдын ала белгілеуін сұраймыз. Әмин. Уа, әлемдердің Раббысы!»

Қорытындылай келе, біз сізге құрметімізді білдіреміз. Бұл хат 1286 жылы жумади-әл-әууел айының 13-і күні жазылған.

Хаттың артқы жағында «Жауынгер Кенисары ханның ұлы Сыздық» деген жазуы бар мөр басылған.

Лобысевич Ф.«Хиуаны алу және 1873 жылғы Хиуа экспедициясы», 1873 ж.