aratoris I 119–129

...

Spiritus aetherea descendens sanctus ab aula

Irradiat fulgore locum, quo stemma beatum

Ecclesiae nascentis erat, quibus, igne magistro,

Imbuit ora calor, dictisque fluentibus exit

Linguarum populosa seges; non littera gessit

Officium, non ingenii stillavit ab ore

Vena, nec egregias signavit cera loquelas;

Sola fuit doctrina fides, opulentaque verbi

Materies, coeleste datum, nova vocis origo

Quae numerosa venit, totoque ex orbe disertis

Sufficit una loqui.