Жұмбақтар

Сары қозы, көк қозы,

Қарындары тоқ қозы.

Күздігүні көп қозы,

Қыстыгүні жоқ қозы.

(Қауын-қарбыз)

Қауын, қарбыз дей алмайсың,

Піскенмен, жей алмайсың.

Жарғаныңмен, қап-қатты,

Ал асқанда, тәп-тәтті.

(Асқабақ)

Тілден ұшып,

Құлаққа қонады.

(Сөз)

Ойдың аяқталуын күтпейді,

Оны қойсаң, сөйлем бітпейді.

(Үтір)

Алуан түрлі із салғанның өзі еді,

Өзінен де пайдалысы өзегі.

(Қарындаш)

Бір малға екі бала мінгеседі,

Айлап-жылдап түспестен күн кешеді.

(Түйенің өркеші)