ChDPU bolajonlariga o‘quv qurollari tarqatildi

Universitet Kasaba uyushmasi tashabbusi bilan universitet xodimlari farzandlari uchun bayram tadbiri tashkil etildi. Yangi o‘quv yilining boshlanishi munosabati bilan o‘tkazilgan tadbirda 126 nafar maktab yoshidagi bolalar va ularning ota-onalari ishtirok etdi.
Boshlang‘ich ta’lim metodikasi kafedrasi professor-o‘qituvchilari ko‘magida sahnalashtirilgan musiqiy o‘yin-kulgi tomoshasi bolajonlar va ularning ota-onalariga kayfiyat ulashdi.
Bayram tadbirida universitet rektori G‘ofurjon Muxamedov ishtirok etdi va universitet xodimlari hamda ularning farzandlariga o‘z tilaklarini bildirdi.
Tadbir yakunida Kasaba uyushmaning o‘quv yili davomida zarur bo‘ladigan o‘quv qurollari va kitoblar bolajonlarga sovg‘a qilindi.

Universitet jamoasi bolajonlarga o‘qishlarida muvaffaqiyat va faqat a’lo baholarga o‘qishlarini tilab qoladi!

Facebook | Instagram | Telegram | You Tube