Giyom Musso

"Dunyoga mahshur zamonaviy yozuvchilar" rukni ostida

Biografiya

Giyom Musso (Guillaume Musso) 6-iyunda Fransiyaning Antib shahrida tug'ilgan. Bolaligidanoq bola adabiyotga shunchalik mehr qo'ygan ediki, yozuvchi kasbini orzu qila boshladi. 19 yoshida, maktabni tugatganidan so'ng, Musso Fransiyani tark etib, AQShga ko'chib o'tdi. U bir necha oy Nyu-Yorkda yashab, muzqaymoq sotish bilan kun kechirdi. Uyga kelganda esa ilk romanining rejasi allaqachon boshida aylanar edi.

Debyut

Yozuvchining debyuti 2001-yilda bo'lib o'tdi. Uning "Skidamarink" romani syujeti Leonardo da Vinchining Luvrdagi mashhur "La Jakonda" kartinasini o'g'irlash atrofida sodir bo'lardi.

Mashhurlik

Bir kuni Giyom dahshatli avtohalokatga uchraydi: uning mashinasi temir-tersakka aylanadi, o'zi esa o'limdan zo'rg'a qutulib qoladi. Bu uni keyingi kitobining asosiy mavzusiga aylangan hayot va o'lim o'rtasidagi nozik chiziq haqida o'ylashga undadi. .

2004-yilda ikkinchi kitob - "Keyin" nashr etildi. Giyom Mussoni haqiqiy muvaffaqiyat kutayotgan edi: uning "After" (Keyin) romani butun dunyo o'quvchilari tomonidan e'tiborga olinib, iliq qabul qilindi. Falsafiy ma'lumotnomalar bilan to'ldirilgan mistik roman darhol o'quvchilar e'tiborini tortdi. 2008-yilda ushbu asar motivlari asosida "O'lim garovi" filmi suratga olindi.

Ijodi va kino

Muallif jami 15 dan ortiq kitob yozgan. Ularning ba'zilari asosida filmlar ham ishlangan. Shunday qilib, 2012-yilda "Chunki men seni sevaman" asari motivi bazasida "Kesishma" kinosi ishlangan bo'lsa, "Sen o'sha yerda bo'lasanmi?" romani asosida koreyalik rejissyor Xong Ji Yon tomonidan film suratga olingan.

Yozuvchining asarlari - asosan detektiv hikoyalar va triller janrida. Musso - Fransiyada juda mashhur. Bugungi kunda uning 32 million nusxadan ortiq kitoblari sotilgan va ular 40 dan ortiq tilga tarjima qilingan. O'zbekcha asarlarini men hali uchratmadim. Balki allaqachon tarjima qilishgan bo'lishi ham mumkin. Ammo shuni aytish lozimki, kitobxonlarning katta qismi bu zamonaviy adib ijodidan hali bahramand bo'lib ulgurmadi.

Mukofotlari

Haqiqiy avtohalokat taassurotlari ostida yozilgan "Keyin" romani Fransiyada "Eng yaxshi ssenariy uchun" sovrini bilan taqdirlandi. Italiyada xuddi shu kitob "Eng yaxshi sevgi romani" uchun Adabiy mukofotga sazovor bo'ldi.

Xulosa

Ko'rganingizdek uni mashhurlikning qiyin yo'l kutib turar edi: taniqli va tijoratda muvaffaqiyatli yozuvchi bo'lishdan oldin, u hamma narsaga qarshi borishi kerak edi. Ota-onasi o'g'lining adabiy ambitsiyalarini ma'qullamadilar, noshirlar uzoq vaqt rad javoblarini berishdi. O'rta maktabni tugatgandan so'ng, kelajakda eng ko'p sotiladigan kitoblar muallifi Amerikaga migratsiya qiladi, u Manxetten ko'chalarida muzqaymoq sotadi va arzon yotoqxonada yashaydi. Biroq, bu kabi achchiq hayot tajribasi yozuvchining iste'dodiga hissa qo'shgani haqida ko'plab misollarni keltirish mumkin. Fransiyaga qaytib, u iqtisodiy sohada ma'lumot oldi va dars berishni boshladi, ammo hayotidagi asosiy ishi adabiyotligicha qoldi.

Giyom Musso hozirgi kunda...

Giyomning ukasi Valenten Musso ham triller va detektivlarga ixtisoslashgan muvaffaqiyatli yozuvchidir. Giyom Musso bugungi kunda ham nufuzli xalqaro litseyda iqtisod o'qituvchisi bo'lib ishlaydi. Birinchi nashr etilgan romanidan so'ng, u eng ko'p sotilgan fransuz yozuvchilari ro'yxatidagi eng yuqori o'rinlardan birini egallaydi.

@panda_books