"House of Paper" filmiga review
Tarixda misli ko'rilmagan o'grilik haqidagi eng ajoyib serial!
"Pul zavodi" (House of Paper)
Flashback
Ispaniya. Bir guruh o'g'rilar pul zarb qilinadigan binoga to'satdan hujum qilishadi. Ammo ularni ushlash politsiya o'ylaganchalik oson kechmaydi, chunki bosqinchilar puxta tayyorgarlikdan o'tishgandi. Axir mamlakatdagi eng aqlli va ixtirochi jinoyatchilar ushbu proekt ustida ishlashgandi. "El Professor" taxallusi orqali allaqachon jinoyat olamida yetarlicha obro'-e'tibor qozonib ulgurgan insonning shaxsan o'zi uzoq vaqtlardan beri ushbu olamshumul bosqinchilik ustida bosh qotirgandi.
Bosh qahramon "El Professor" har biri o'z sohasining haqiqiy ustasi bo'lgan jinoyatchilar jamoasini to'plash uchun barcha imkoniyatlarini ishga soladi. Ular o'zlarini shartli ravishda, shaharlar nomi bilan chaqirishadi: Berlin, Tokio, Rio, Moskva, Denver, Nayrobi, Oslo va Xelsinki.
Qahramonlar
Qahramonlarni ism bilan emas, balki shahar nomi bilan nomlash g'oyasi ham menga juda manzur bo'ldi. Keling ular bilan qisqacha tanishtirsam:
Nayrobi - one love. Har bir yangi seriya orqali siz unga tobora ko'proq hamdard bo'lasiz va sizdagi unga bo'lgan simpatiya serial oxirigacha yo'qolmaydi. Buning barobarida ma'lum darajada uning xatti-harakatlarining mantig'ini tushunadigan odamga aylana borasiz.
Tokio - one love 2. Men boshida bu personajni faqat uning go'zal qiyofasi tufayli yoqtirganligimni inkor etmayman, lekin har bir seriyadan so'ng, siz nafaqat tashqi ko'rinishiga, balki ichki fazilatlariga qarab uni qanday qilib sevib qolganingizni sezmay qolasiz. Menga shaxsan Tokio yoqadi...
Professor - daho odam. Aytaylik, bosqinchilik bo'yicha gid. Dohiyona rejalar tuzadi va ularni dohiyona tarzda bajaradi. Ochig'i, ba'zi hollarda uning shunchalik daholigi odamga erish tuyuladi, hatto. Ayniqsa, uning detektiv ayolning hislari bilan o'ynashganini o'zim juda pastkashlik deya hisobladim. Lekin o'z ishiga puxta va o'g'rilarga xos bo'lmagan tarzda juda madaniyatli.
Berlin - jamoaning sardori qanday bo'lishi kerak? Shubhasiz - tartibli, psixopat va egosentrichniy. U haqida biron bir narsa yozishning ma'nosini ham ko'rmayapman - eng yaxshisi ham shu. U butun serialni bezab bergan go'yoki tort ustidagi olcha misolidir.
Rio - aqlli bola, go'yo u bu hayotda nima qilishni bilmaydiganga o'xshaydi... yoki allaqachon qaror qilganmikin? Rio - shunchaki olov! U aql bilan o'ylab emas, yurak amriga bo'ysunib qaror qabul qiladi, natijada ba'zida uning oqibatida ko'ngilsiz hodisalar ham sodir bo'ladi.
Moskva - hayotda nima qilishingizdan qat'iy nazar, ichingizda qanday odam ekanligingiz, bolalaringiz siz haqingizda qanday fikrda ekanligi muhimdir. Eng samimiy qahramonlardan biri.
Denver - va uning ajoyib kulgisi - bu uning eng yaxshi fazilatlaridan biri) U sizni qo'llab-quvvatlaydi va sizni boshqa tomondan butunlay o'ziga qaratishga imajbur qiladigan personaj. Yaxshimi yoki yomonimi, o'zingiz ko'rib baho berasiz...
Oslo va Xelsinki - aka-uka serblar. Haqiqiy jangchi yigitlar. Ko'rinishlaridan qo'rqinchli ko'rinsalar-da, asli tabiatan ancha muloyim va sodda. Ayniqsa, o'z do'stlarini hech vaqt yolg'iz tashlab qo'yishmaydi.
Xo'sh, serial meni nimasi bilan qiziqtirib qo'ydi?
Avvalo — personajlar. Ular har biri shunchalik mukammal, juda mohirlik bilan ochilganki, kimgadir achinasiz, kimnidir esa bo'g'ib qo'yishni istaysiz. Ikkinchidan, ssenariy mualliflari chinakam hayotda ro'y bergan turli voqealarga oid ko'plab misollar keltirishadi. Seriallardagi bu usul menga juda yoqadi.
Ularning katta rejalari va umidlari bor, tayyorgarlik ham hech qanday qiyinchiliksiz o'tadi. Yaqinda uyushgan ushbu jinoiy guruhning rahbari Professor ishni rejalashtirish uchun javobgarlikni zimmasiga oladi. Jinoyatchilar politsiya e'tiborini chalg'itish uchun oddiy maktab o'quvchilari ichida bo'lgan 67 kishini garovga olishadi.
Ammo ular binoni tark etishga shoshilmaydilar. Ular pul zarb qilib ulkan boylik bilan bu yerni tark etish niyatidalar. Biroq bino o'rab olingan, razvedka va eng kuchli ispektorlar qo'lga olish ishiga jalb etilgan. Voqealar sizga chalg'ish uchun umuman imkon bermaydi.
Xulosa
Kim g'olib chiqarkin? O'g'rilarmi yo politsiya? Agar romantika, ekshn, detektiv, sarguzasht janridagi eng yaxshi seriallardan bir b'lmish ushbu serialga qiziqqan bo'lsangiz, unda maroqli hordiq sizni kutib turibdi.
Ehtimol, shu yerda to'xtatib turamiz. Agar siz haliyam "serialni tomosha qilish yoki qilmaslik" o'rtasida ikkilanayotgan bo'lsangiz, unda sizga tomosha qilishni maslahat beraman. Birinchi seriyadan keyin hech kim sizni to'xtatib qololmasligini o'zingiz tushunasiz, menga ishonavering)
@boredpandablog