КУНДАН-КУНГА ЯНГИ ҚУЛАЙЛИКЛАР

Давлат хизматларини кўрсатишда тизимли муаммоларга чек қўйиш, аҳолининг қимматли вақти маълумотнома сўраб турли идоралар кетидан қувишга кетишининг олдини олиш, бунда “Фуқаролар эмас, ҳужжатлар ҳаракатланади” қабилидаги тамойилни амалда рўёбга чиқариш ва энг муҳими, халқимизнинг давлат органлари ва улар томонидан кўрсатиладиган хизматларга бўлган ишончини тиклаш мақсадида ҳозирги кунда бир қатор ижобий ишлар амалга оширилмоқда.

Ўзбекистон Республикаси президентининг ташаббуси билан бугунги кунда хар бир вилоят, туман, шаҳарларда капитал қурилиш, хамда ободонлаштириш ишлари жадал олиб борилмоқда, янги турдаги замонивий бино иншоотлар барпо этилмоқда.

Вазирлар Махкамасининг 2018 йил 18 майда қабул қилинган 370-сонли қарорига асосан Архитектура ва қурилиш соҳасида давлат хизматлари кўрсатишнинг айрим маъмурий регламентларини тасдиқлаш тўғрисида қарори тасдиқланган.

Жумладан қурилиши (реконструкцияси) тугалланган бино ва иншоотларни фойдаланишга қабул қилишда аввалари пудратчи ташкилотлар бир неча комиссия аъзосининг хулосаларини олиш керак бўлган, бу ўз навбатида турли хил қийинчиликларни юзага келтирарди хамда ортиқча вақт таълаб этарди. Давлат хизматлари агентлиги томонидан бундай сарсонгарчилик, оворагарчиликни олдини олиш мақсадида 3 нафар комиссия аъзоларининг хулосалари қисқартирилди хамда ушбу хизмат тури янада соддалаштирилди.

Яна бир сохадаги қулайлик, аввалари фуқароларимиз хамда тадбиркорлариммиз ўзининг турар жой биносини нотурар жой тоифасига ўтказиш учун хам махалий хокимият органи қарорини олиш керак эди. Бироқ Ўзбекистон Руспубликаси Президентининг 2019 йил 9 декабрдаги Бюрократик тўсиқларни янада қисқартириш хамда давлат органлари ва ташкилотилари фаолиятига замонавий бошқарув тамойилларини жорий қилиш чора тадбирлари тўғрисидаги ПҚ-4546 сонли қарорига асосан
2020 йил 1 январдан бошлаб турар жойни нотурар жой тоифасига ўтказишга рухсатнома бериш хам туман шахар қурилиш бўлимларининг рухсатномасига асосан амалга оширилиши белгиланди. Бу ўз навбатига тадбиркорларга жуда катта қулайлик бўлди.

Бугунги кунда Давлат хизматлари агентлиги томонидан соха кесимида турли хил хужжатларни қисқартириш учун изланишлар хамда бюрократик тўсиқларни олдини олиш мақсадида кўп ишлар амалга оширилмоқда.

Юқоридагилардан кўзланган асосий мақсад фуқаролар ва тадбиркорларга қулайликлар яратишдир.

Х.Рахимжанов,

Намангани шаҳар Давлат хизматлари маркази етакчи мутахассиси.