Ҳар бир иншоотни қуришда табиат инжиқликлари иноботга олиниши керак

Ижтимоий тармоқларда бугун кучли ёмғир натижасида Тошкент шаҳридаги "Эркин" ва "Абу Сахий" туннелларини яна сув босди шунингдек, турли ижтимоий соҳа объектларига ҳам зарар етганлиги ҳақидаги хабар ҳамда, видео тасвирлар тарқалди.

Таъкидлаш лозимки, сўнги йилларда юртимизда ҳар йилгига нисбатан кўп миқдорда ёғингарчилик кузатилмоқда. Бу табиат ҳодиcаси албатта. Инсоният эса ҳар қандай табиат ҳодисасига доимо тайёр туриши керак. Кузатилаётган кучли ёмғир натижасида қурилиш ва таъмирлаш талаблари эътиборга олинмаган айрим автомобил йўллари, турли ижтимоий соҳа объектлари турли даражадаги зарар кўрган.

Келгусида бу каби ҳолалатлар юзага келмаслиги учун қурилиш лойиҳаларини ишлаб чиқишда жамоатчилик назоратини кучайтириш талаб этилади. Шундагина табиат инжиқликларидан беталофат ўтиш мумкин.

Ўзбекистон Экологик партияси Тошкент шаҳар ҳокимлиги ва йўл қурилиш соҳасидаги мутасаддилардан бу масалага эътибор қаратишларини сўраб қолади.