Ljudi proset dodati do Slovniku označenja razumlivosti. Čto to je, kogda to bude?💎Људи просет додати до Словнику означенjа разумливости. Что то је, когда то буде?
Govoritelj standardnogo uravnja Medžuslovjanskogo jezyka znaje slova sito i treska někako tako:
No kogda Govoritelj potom prěhodi na daljši uravenj Medžuslovjanskogo jezyka, on už znaje te slova někako tako:
Razlika jest v tom, že potom Govoritelj uči se dodavati do svojej pameti razumlivost slov:
Napr. sito jest dobro razumlivo za vse slovjanske jezyky, a treska jest razumliva ne za vsih Slovjan.
Znanje medžuslovjanskyh slov, daže bez znanja toj razumlivosti, davaje dobru možnost govoriti v čatu i v turističnom putovanju. To jest dost za takovu komunikaciju. Ako něčto ne bylo razumlivo - možno povtoriti pytanje, skazati sinonimy, i konečno dorazuměti se. Tako ja jesm viděla.
Znanje medžuslovjanskyh slov + znanje jih razumlivosti pomagaje dobro prěvoditi teksty na Medžuslovjansky, govoriti lekcije i tako dalje. To pomagaje govoriti razumlivo za publičnu komunikaciju, i generalno to povyšaje razumlivost za vse situacije, to jest jasno. Napr. kogda Govoritelj znaje, že slovo treska ne jest razumlivo za Južnyh Slovjan, on može dodati sinonimy za Južnyh. I vsi slušatelji budut razuměti jemu.
Kde sut podobne obrazky s razumlivostju slov? One sut v glavah ekspertov Medžuslovjanskogo. To ne jest nikde označeno, ne jest nikde napisano. Ale mnogi učeniki hčut, da by to bylo zapisano.
Tomu hčut pomogti dobrovoljci programisti slovnika Interslavic Dictionary. Oni hčut dodati označenja razumlivosti do slovniku. Te obrazky sut jih skicy od togo plana. [Možlivo konečny vizual v slovniku bude različny od skic].
Aktualno dobrovoljci programisti už tvoret sistem razumlivosti pri programah slovnika. Proces iztvorjenja programa aktivno ide od 2023 lěta. Rabota zajmaje cěly svobodny čas dobrovoljcev. To ješče potrěbuje aktivnoj raboty dobrovoljcev do 2025 lěta. Velika hvala jim naprěd za jih pomočnu rabotu!
Hot označenje razumlivosti ne jest v slovniku, to ne znači, že ne trěba to znati. Jestli Govoritelj hče idti na daljši uravenj Medžuslovjanskogo, on može pokušati se gleděti razumlivost pri pomoči stranici "Prěklady" v slovniku, napr.:
Ale někogda v prěkladah ne sut zapisane sinonimy podobne na medžuslovjansku formu slova, zatom ne jest vidimo, že ljudi budut razuměti slovo.
Druge myslji o znanje razumlivosti slov sut na postu: https://teletype.in/@flame-ice/rc0yPH3LqSE