AMD ся обіцявут представити відеокарту из 1 ґіґабайтом кеш-памняти уже 8. новембра

Скорше всього тото будут карты не про простых хосновачӯв, а нагузко-сеґментованы рїшеня

На самӯй подїї планувут указати нові рїшеня про серверы — процесоры Epyc тай ускорьовачі Instinct. У AMD бӯлше нич толком не уповіли, но поєдні люди нашіптовали, ож мож чекати ай презентацію процесорӯв Milan-X тай ускорьовачӯв Instinct MI250.

Процесоры серії Milan-X мали бы быти первыми из технолоґійов 3D V-Cache. Серверні процесоры ай так мавут дуже читаво кеш-памняти, но ися технолоґія поволит розшырити ї онь до 768 меґабайтӯв. (15 рокӯв назад сӯлко было оператівної памняти у стандартного домашнього компютера)

Из детайлӯв за Instinct MI250 знаєме не много, но AMD самі казали, ож исе буде ачий перва відеокарта на торгови из дакӯлкома ґрафічными чіпами на єднӯй платї. Но скорше всього тото будут два крісталы на єднӯв пудкладци.

Жерело: ixbt.com

Читайте нас на Twitter тай Telegram