Учинити сякый по-свойому носталґічный проєкт закликали дізайнера тай креативного діректора Supervsn Studios Ґевіна Матйи.

Фірма Razer, ги ся знає, концентрує ся якраз на бавлячах на платформі PC, та ясно ож такоє явліня, гикой стрімінґ бавок, не мӯг быти нима проіґнорованый. Завто Razer розробили шор спеціалізованых контроллерӯв на сякый припад, цїльовов авдіторійов котрых мавут быти стрімеры, бавлячі, создатилї контента. У сись читвирь фірма презентовала новый продукт — Razer Stream Controller, котрый поволит вам управляти стрімом удалено. Из інтересного — контролер є закладеный на софтверови, што ся хосновав на звуковому контролерови Loupedeck.

Девайс уд стартапа Карла Пея (спӯвзаложителя OnePlus) дӯстав «пӯвпрозору» задню крышку, много світлодіодӯв, доста скромну цїну у £399–499 (приближно $475–593)… тай не дустав реліз у США. Планує ся, ож Nothing Phone (1) буде ся продавати у Споєному Королю̄встві, Японії, Індії тай крайинох материкової Европы — новый смартфон Nothing навгул увидят лиш 40 крайин.

Фірма HMD презентовала три нові телефоны пуд брендом Nokia, помежи котрыми найдеме ай Nokia 5710 XpressAudio из елеґантным жебиком на ваші безпроводні наушникы. Сяку ідею видиме далеко не у первый раз, бо щи у рокови 2019. сякоє нам понукала фірма Servo, айбо інтересно видїти таку експеріменталну іновацію уд такої ґлобално знамої фірмы.

Майбогатый на днишньый динь чилядник світа заявив, ож на позадині «дакӯлкох нарушень соглашиня з бока Twitter» уже не хоче куповати свою облюблену соціалну сїтку — вӯн уже уповістив за вто SEC (комісію цїнного папіря тай бірж США).

Конкурент Steam Deck оказав ся многым май дорогым ги творїня Valve — цїны на GPD Win Max 2 зачинавут ся из $899 тай сягавут $1299. Продавати ся девайс буде кампанійов на кравдфандінґовому вебсайтови Indiegogo.

Колись читавый тай знамый у світови выробник смартфонӯв на Android, фірма HTC, на днях презентовала новый планшетный компютер, но доста непривычный про таку компанію. Новинка, именована A101, ото планшетный компютер из 10.1" дісплейом, из престарым уднушньым напарованьом. Сам девайс анонсовав ся мовчкы, ниґде за нього не давали знати, но кидь віровати репортови Wayback Machine, та продавати го ладят ся у державах Африкы в основному.

Командї из Universidad Pública de Navarra дало ся розробити сістему, котра хоснує акустичну левітацію на збераня предметӯв без фізичного контакта.

Дниськы показкуєме за аплікації про двофакторну автентикацію (2FA). Як они фунґувут, нашто йих си пӯдключати, чим сут лїпші выд єдноразовых кодӯв на імейл авадь у SMS? Розбераєме ся.

Сякому чудному на першый позӯр прорыву найшли хосен: «ауґментована» саранча годна проводити тесты, у котрых по дыханю буде глядати хвороту у пацієнта. Кроме того, авторы изглядованя думавут, ож сесе годно іншпіровати людство на вытвореня штучної серсамы из сякым иппен прінціпом.