Apple презентовали рянду на дісплей за 19 доларӯв. Серйозно.

Из вчорашньої презентації Apple мож ся было дӯзнати повно за вшелиякі новинкы техноґіґанта, кроме єдної. Сисю новинку скромно добавили у список аксесуарӯв в інтернет-бовтови Apple, йде за фірмову утирачку на екраны вашых направ.

Фірмова утирачка выд Apple зоправдї є просто полотнянов утирачков, не фіґлюєме. Коцкованый дараб полотна из пудрублеными крайчиками, но тай, ясноє дїло, из лоґотіпом Apple. Купити си можете уже дниська, доставка буде трывати 3-4 тыжднї. Цїна, ги ся споминало — 19 америцькых доларӯв.

Apple сут знамі тым ож валовшні читаво зарабляти на аксесуарах. Сюй новинцї щи далеко ид ґолесам за 700 доларӯв, авадь крїпленьови ид моніторови Pro Stand за изирь, айбо тоже не фіґля.

Туй буде трїбно спомнити ай за рекомендації техноґіґанта што ся кыват чисткы йих направ, у рокови 2019. Apple публиковали інструкцію хосновачам монітора Pro Display XDR из спеціалнов наноштруктуров скла, у котрӯв ся рекомендовало утирати го сугубо фірмовов ряндочков из спеціалного полотна.

Жерело: ITC.UA

Читайте нас на Twitter тай Telegram