Невросїть научила ся удновльовати хыблячі части давньоґрецькых текстӯв

Нова розробка брітанської компанії DeepMind — невросїть Ithaca, котрӯв дали прочитати веце ги 170 тысяч розшіфрованых давньоґрецькых текстӯв, обы на основі сих податкӯв она могла сама аналізовати, доповньовати, датовати фраґменты тай опридїляти йихню реґіоналну належнӯсть.

У общому алґорітмови дали на оброблїня адаптовані про машінноє читаня тексты з 84 історичных реґіонӯв Середземноморя из 8. стороча до нашої еры по 8. стороча нашої еры. У процесї аналізы входных податкӯв Ithaca хоснує сись текстовый корпус, обы выдати 20 свойих майлїпшых провб удновити хыблячі части, «локалізовати» документ тай датовати го, розбивши ушыткі даты межи 800 роком до н.е. тай 800 роком н.е. на 10-рӯчні інтервалы.

У резултатї точнӯсть «Ітакы» в удновлїньови страченых части текстӯв чинит до 62%, у датованьови — до 71%, хыба при датованю складат лем 30 рокӯв, а ефективнӯсть роботы історикӯв з помочов Ithaca скочила з 25% до 72%.

Зачатковый код Ithaca є у публичному приступови на GitHub; кроме того DeepMind запустили інтерактивну верзію, де каждый годен попровбовати поробити з невросїтьов.

Жерело: DeepMind Ithaca

Читайте нас на Twitter тай Telegram