Екс-робӯтника NFT-платформы OpenSea арештовали за інсайдерські торгы

Ги ся пише у документови Департамента справедливости США, Натаніел Честейн, роблячи продуктовым менеджером у Ozone Networks, Inc. / OpenSea, хосновав свою посаду в компанії, обы мати личну выгоду. Ун мав приступ ид інсайдерськӯв інформації за то, які NFT плановало ся класти на главну сторӯнку платформы.

Сесю інформацію Честейн хосновав, обы у приближный період из юнія по септембер 2021. рока куповати тоты NFT сперед йих трафляньом у секцію «featured», а дале пак продавати, кой цїны на них ся пӯднимали у 2–5 раз.

Натаніела Честейна арештовали тай будут судити у дїлови за єден епізод удмываня гроши тай єден епізод «wire fraud» (фінансової маніпулації з хоснованьом електронної комунікації); Конґресом установлено, ож максімално за сякый злочин чилядника мож заперти у тюрьму на 20 рокӯв, айбо яков буде кара у припадї Честейна, рїшит судя.

Исе первый раз, кой у Штатох будут судити за інсайдерські торгы иппен ціфровыми активами.

Жерело: Department of Justice

Читайте нас на Twitter, Telegram тай Instagram