Instagram дає вшыткым лїпити наклейкы з удкликованями у Історійох

Нові налїпкы появляти ся будут у Історійох тай будут годни слати хосноватилю̄в на вонкашнї URL-адресы.

Йих тестованя зачало ся ще у юнови 2021. года, айбо дотипирь функція лишала ся ексклузівнов про провірені профілы (тоты, што „з галочками“) тай сторӯнкы из грубым числом пӯдписникӯв.

Налїпкы з удкликованями замінят „свайп навирьх“, котрый быв спередущым способом удкликати ся на сайт за гатарами Instagram — його адмініштрація соцсїти лишила без пӯдпоры у авґустови. З днишньыми новостями годни сьме уповісти, ож заміна „свайпа“ буде май приступна людьом ги вӯн сам, спозад того, ож стару функцію годни были хосновати лем профілы из веце ги 10,000 пӯдписникӯв.

Команда Instagram спозоровала, ож хоснованя налїпок на пошыреня дезінформації вадь „гейт-спіча“ приведе ид стратї недобросовістными хосноватилями приступа ид функції. Ще адмініштрація соціалної сїти уточнила, ож не планує додавати функціонал удкликовалных налїпок у обычайні публикації у пантлї.

Захосновати нові наклейкы мож у редакторови Історій, клопкнувши ґомбу зо значком налїпкы у панелови горї. Они фунґувут плус-мінус ги любі другі налїпкы у Історійох.

Жерело: The Verge

Читайте нас на Twitter тай Telegram