Кониць епохы FIFA. Выходит турмінь токмы помежи EA Sports тай федераційов фотбола

Electronic Arts помінявут назывку серії бавок FIFA на EA Sports FC. Зміна вступит у силу у рокови 2023 пӯсля выхода послїднього дараба сиї серії — FIFA 23.

У блоґови компанії опубликовано выголошіня, де ся каже, ож ушытка інформація за нові бавкы буде розказана ужек у рокови 2023.

«Вшытко, што любите у нашых бавкох, буде частьов EA SPORTS FC — усї тоты красні зажиткы, режімы, ліґы, турніры, клубы тай спортсмены. Ultimate Team, Career Mode, Pro Clubs, тай VOLTA Football — ушытко найдете там.»

Віцепрезідент EA Sports, Девід Джексон, розказав, ож што ся чекат выд EA Sports FC: «Фактічно, бавлячі запримітят лем дві серйозні переміны: назывку, тай дараб контента про чемпіонат світа кажді чотыри годы. Кроме сього ся мало што помінят у тому, за што усї люблят наші бавкы.»

Слїдуюча тай послїдня частина FIFA «буде мати бӯлше функціонала, режімӯв, клубӯв, рӯзных ліґ тай фотбаліштӯв чим люба друга бавка серії серед сим».

Уже давно EA говорили за ідею перейменованя свої серії бавок, тай за даякый час зареґістровали марку EA Sports FC, айбо лиш типирька дӯстали сьме офіціално пудтверджіня. Головнов причинов сього сут гроші, FIFA хотїли брати выд EA онь 1 міліард америцькых доларӯв кажді чотыри годы за хоснованя назывкы. Ґенералный діректор EA, Ендрю Вілсон, розказав ож цїннӯсть FIFA для його компанії ото «чотыри буквы на шкоробыни».

Раз не знаєме, ци сякоє выддаліня компаній было резултатом корупційных шкандалӯв, тай ци будут FIFA давати ліцензію другым выробцям бавок.

На дниська серія бавок FIFA є єднов из майпопуларных бавковых франшіз у світови, як за обємами продажӯв, так и за фінанчным профітом. У FIFA 2022 даже зачало ся тестованя крос-платформового режіма из консолами, котрый, теоретічно, годни будут перенести у серію EA Sports FC.

Ци буде серія EA Sports FC мати такый успіх без упознаваного бренда FIFA — укаже час.

Жерело: ITC.UA

Читайте нас на Twitter, Telegram тай Instagram