😂 — майпопуларный емоджі 2021. года

Unicode Consortium опубликовав резултаты изглядованя, цїльов котрого было узнати, котрі емоджі у 2021. годї хосновали майчасто.

Як оказало ся, за послїднї два года перші дисять побідитилю̄в практично не поміняли ся: на першому містови ся убстає 😂 («лице из слызами щастя»), на другому — ❤ («черленоє сердце»), 🤣 («лице ся катає пӯдлогов уд сміха») перебрав ся из четвертого міста на тритьоє, из шестого міста не злїзає 🙏 («рукы, зложені у молитві»), а 👍 («перст горї») тай 😭 («лице плаче») майже ся поміняли містами у дисятцї майхоснованых емоджі.

У Unicode Consortium удмічавут рїзкый рӯст популарности 🎂 («торт»), 🎈 («кулька») тай 🥺 («лице з просителныма очима») — они ся пӯдняли з 113. на 25., з 139. на 48. тай из 97. на 14. міста удповідно — при тӯм 🥺 мав многым май мало часу на сякый скачок позад того, ож увели го лем у 2018.

Майрїдко ся хоснувут емоджі з фанами, хоть исе и майгруба катеґорія — у ню̄в є онь 258 емотіконӯв.

На зачаткови годни сьте подумати, ож на сякоє изглядованя гибы не є потребы. Айбо його авторы не соглашавут ся: из сякої статістикы они берут інформацію за то, які емоджі вартат додавати, а які нїт, позеравучи на то, што люде хоснувут.

У свою̄в публикації Unicode Consortium дали возмогу побзерати не лем таблу из податками за 2021. гӯд, ай дінаміку за 2019–2021, тай указали пару діаґрам, котрі давут мало май наглядну ілустрацію сітуації.

Жерело: Unicode Consortium

Читайте нас на Twitter тай Telegram