AMD Radeon RX 6950XT годна мати частоту вирьх 2.5GHz, тай брати до 250 ват світла
Твітер-акаунт Greymon55, де обчас ся публикує інформація за продукты фірмы AMD, котрі щи не сут выпущені, аддека написав подашто за єдну заплановану відеокарту — Radeon RX 6950XT. Там ся гласит, ож ґрафічный процесор буде мати частоту онь до 2.5 ґіґагерца, што є на 250 меґагерц бӯлше выд типирїшньой верзії Radeon RX 6900XT из воздуховов системов остужованя, тай дас на 65 меґагерц бӯлше ги у тої же карты на водному остужіньови (Liquid Edition).
Айбо уважуйте, ож серія Radeon RX 6900 выд AMD не є така очевидна, ги ся може видїти. Туй маєте нараз три варіанты карты Radeon RX 6900XT:
- базова верзія из GPU Navi 21 XTX тай воздуховов сістемов остужованя
- верзія из GPU Navi 21 XTXH тай воднов сістемов остужованя
- другі партнерські верзії из GPU Navi 21 XTXH тай воздуховов сістемов остужованя
Нова карта Radeon RX 6950XT тоже дӯстане процесор Navi 21 XTXH, но тот буде робити на высшых частотах, тай буде брати бӯлше світла.
Исе не буде перва відеокарта, котра перескочила за 2.5 ґіґагерца, бо даже сись самый чіп уже ся хосновав ай у май шіковных кастомных картах выд партнерӯв, гикой:
Правда ушыткі три карты, спомнянуті высше, мали водяну сістему остужованя. А кидь розникововати варіанты из воздуховым остужованьом, та ни єдна карта из наявных не перескочила за 2.5 ґіґагерца. Майблизко доцабала была XFX Speedster MERC 319, не дотягла лем піціцько, мала частоту 2495 меґагерц. Выдсі можеме шпекуловати, ож нова карта AMD Radeon RX 6950XT буде мати водну сістему остужованя.
Кроме того, аккаунт Greymon55 бизує ся, ож нова карта буде брати повно світла, Radeon RX 6950XT може мати TBP (Typical Board Power) аж 350 ват. Нагадаєме си, ож типирїшньый флаґман має Radeon RX 6000 бере лиш 300 ват, а його верзія из водным студіньом — 330.
Чекаєме нову карту даяк у апрільови, но приближну цїну раз не знаєме. Гадаєме си, ож сеся карта, AMD Radeon RX 6950XT, мала бы конкуровати из GeForce RTX 3090 Ti, а значит може буде плавати у тӯй же цїновӯв катеґорії.
Жерело: videocardz
Читайте нас на Twitter тай Telegram
