Пора ся домак розпрощати з Internet Explorer

15. юнія 2022 — веце ги 25 рокӯв уд реліза — пінзіонеру тай герою мемӯв, бравзеру Internet Explorer зоперли ушытку пӯдпору.

Хосновачӯв варувут, ож пора переходити на Microsoft Edge.

Скоро Internet Explorer 11 повнӯстю пропаде з Windows 10 редакцій Home, Pro, Enterprise, Edu, IoT — из Windows 11 бравзер уже забрали.

Жывот Internet Explorer не обырвут рїзко, а будут помалї перенаправляти тых, тко усе щи го хоснує, на Microsoft Edge, давучи легкый приступ ид функції «Internet Explorer Mode». Тота функція позволяє заходити на сайты, котрі фунґувут лиш на IE.

Демонштрація функції «Internet Explorer Mode».

Бізнісам, про котрых Internet Explorer-ексклузивні вебсайты сут важнов частьов робочого процеса, Microsoft понукат інштрументы автоматизації «Internet Explorer Mode».

Жерело: Windows Experience Blog

Читайте нас на Twitter, Telegram, Instagram