Блокчейн-платформа Solana анонсовала свӯй кріптосмартфон за $1000

Девайс дӯстав назывку Solana Saga, цїну $1000 тай релізну дату — блокчейновый Android-смартфон має выйти до першого квартала 2023.

Исе часть кампанії Solana из переведеня «web3» на мобілкы. Компанія дає позӯр на проблему немобілности такых технолоґій: обы пӯдписовати важні транзакції, людьом треба фурт ся удрывати уд своих другых дїл тай бігти за компютер.

Вєдно из кріптосмартфоном щи указали Solana Mobile Stack, котрый кладе си цїльов нативні «web3» аплікації на Android. У Mobile Stack буде входити Seed Vault про скороє пӯдписаня кріптотранзакцій тай уддїлноє уд аплікацій тай будїларю‌в сокочіня пріватных ключӯв. Позад того, ож Solana не видят кывань Google Play тай App Store у бӯк приятя децентралізованых «web3» аплікацій, команда блокчейнової платформы рїшила учинити свӯй ціфровый бовт про такі аплікації — вӯн буде ся кликати Solana dApp Store тай класти ся на Android.

Исе ушытко буде інтеґровано у Solana Saga.

Щи Solana будут продавати Saga Pass — NFT, котрый запустит ся вєдно из першов габов продажӯв Solana Saga тай стане «першым білетом на участь у управлїньови платформов Solana Mobile Stack».

Жерело: Solana

Читайте нас на Twitter, Telegram тай Instagram